Սկանդալ․ Լերա Կուդրյավցեւային չեն զգուշացրել, որ Муз-ТВ մրցանակաբաշխությանը նրան փոխարինելու է Օլգա Բուզովան

2020թ.-ի հունիսի 5-ին կայանալիք «Муз-ТВ» մրցանակաբաշխության նոր հաղորդավարների անունները հայտարարելը իսկական անակնկալ էր ալիքի անփոխարինելի «այցեքարտ» Լերա Կուդրյավցեւայի համար։ Պարզվել է, որ Լերան տեղյակ չի եղել, որ այս տարի չի մասնակցի տարվա երաժշտական գլխավոր իրադարձությանը։

Որոշ լրատվամիջոցներ նաեւ նշել են, որ 48-ամյա հեռուստահաղորդավարուհուն որոշել են փոխարինել նոր դեմքով՝ Օլգա Բուզովայով (Բուզովան նման կարգավիճակով առաջին անգամ կհայտնվի երաժշտական արարողության բեմում)։ Կուդրյավցեւան իր հույզերով կիսվել է Super-ի հետ զրույցում:

«Անկեղծ ասած, չէի սպասում, որ հեռուստաալիքը, որտեղ ես երկար տարիներ աշխատում եմ, որտեղ իմ աշխատանքային գրքույկն է, որի հետ ես անմիջական կապ ունեմ, նույնիսկ ինձ տեղյակ չի պահել նման փոփոխությունների մասին: Ես կարծում եմ, որ դա ստորություն է», - ասել է նա: Բանն այն չէ, թե ով է ինձ «փոխարինել»։ Ես դրան հանգիստ եմ վերաբերում, այլ այն, որ ոչ ոք չի զանգահարել եւ նույնիսկ չի էլ հայտնել այդ որոշման մասին»։