Հունաստանը վետո է կիրառել Իդլիբում տեղի ունեցող իրադարձությունների ֆոնին ՆԱՏՕ-ի՝ Թուրքիային աջակցող հայտարարության վրա

ՆԱՏՕ-ում Հունաստանի մշտական ներկայացուցչությունը ուրբաթ վետո է կիրառել այն հայտարարության վրա, որը Հյուսիսատլանտյան դաշինքը մտադիր էր անել հաջակցություն Անկարայի՝ սիրիական Իդլիբ նահանգում ռազմական բախումների սկսվելուց հետո: Այս մասին հայտնում է To Vima թերթը՝ հղում տալով իր աղբյուրներին, գրում է ТАСС-ը:

«Արտգործնախարար Նիկոս Դենդիասը ՆԱՏՕ-ում Հունաստանի մշտական ներկայացուցչին համապատասխան հրահանգ է տվել, երբ մշտական ներկայացուցիչների տեղակալների մակարդակով նիստի ժամանակ համաձայնեցվել է համատեղ հայտարարություն, որում տեղ չի գտել հունական կողմի՝ ԵՄ-ի և Թուրքիայի միջև ներգաղթյալների և փախստականների հարցով 2016-ի մարտին ստորագրված բանաձևին հղում անելու առաջարկը»,- նշում է պարբերականը:

Նշվում է, որ հունական պահանջը ուժգին դիմադրության է արժանացել այնպիսի երկրների կողմից, ինչպիսիք են Մեծ Բրիտանիան, Գերմանիան, ԱՄՆ-ն և Ֆրանսիան:

Թուրքիայի ԱԳՆ Մևլյութ Չավուշօղլուն պահանջել է Վաշինգտոնյան համաձայնագրի 4-րդ հոդվածով նախատեսվող քաղաքական խորհրդատվությունների գործընթաց սկսել, որը անդամ երկրին հնարավորություն է տալիս խնդրել այդ մասին, եթե այդ պետությունը համարում է, որ իր անվտանգությունը, տարածքային ամբողջականությունը կամ քաղաքական անկախությունը վտանգի տակ է: