Աշխատանքի ժամին «կերուխում» կազմակերպած բժիշկներին կազատեն աշխատանքից (տեսանյութ)

Կաբարդինո-Բալկարիայի Տերսկյան շրջանի շրջանային հիվանդանոցի եւ պոլիկլինիկայի ղեկավարությունը աշխատանքից կազատվի այն բանից հետո, երբ համացանցում է հայտնվել տեսանյութ, որտեղ բժիշկներն ընդմիջում են անում աշխատանքային ժամին, այն դեպքում, երբ հիվադների հերթը նրանց է սպասում: Այս մասին հաղորդում է РБК-ն, հղում անելով հանրապետության առողջապահության նախարարության մամուլի ծառայությանը:  

Նախարարությունում նշել են, որ մանկաբուժության բաժնի վարիչն ազատվել է աշխատանքից, իսկ բաժնի մյուս աշխատակիցները նկատողություն են ստացել: Բացի դրանից, կխզվի նաեւ շրջանայի հիվանդանոցի ղեկավարի հետ կնքված աշխատանքային պայմանագիրը: 

Ավելի վաղ, համացանցում էր հայտնվել մի տեսանյութ, որտեղ բժիշկներն ընդմիջում էին անում աշխատանքային ժամին, այն դեպքում, երբ հիվանդները միջանցքում հերթի կանգնած սպասում էին ընդունելության: Տեսանյութի հեղինակը պնդում է, որ սեղանին է եղել նաեւ շամպայնի շիշ, որը բժիշկներն անմիջապես թաքցրել են, երբ նկատել են, որ իրենց նկարահանում են: 

Նկարահանողը նշում է, որ նա բարձր ջերմող երեխայի հետ սպասել է բժշկի, սակայն նրանց ոչ մի բժիշկ չի ընդունել: 

 Top-News.am