19-ամյա երիտասարդը փորձել է Պենտագոնի շենքի մոտ ավտոմեքենա պայթեցնել

ԱՄՆ-ում տղամարդը փորձել է ավտոմեքենա պայթեցնել Պենտագոնի շենքի մոտ, սակայն ձերբակալվել է: Այս մասին հայտնում են ԱՄՆ արդարադատության նախարարությունից, գրում է Daily Mail-ը:

Գերատեսչության հայտարարությունում ասվում է, որ երբ ոստիկանը մոտեցել է մեքենայի բենզաբաքի վրա դրված կտորը կրակայրիչով այրել փորձող տղամարդուն, վերջինս ասել է, որ պատրաստվում է «պայթեցնել այդ ավտոմեքենան և իրեն»: Դրանից հետո կասկածյալը փորձել է փախուստի դիմել, սակայն ձերբակալվել է:

Նաև նշվում է, որ կասկածյալի անունը Մեթյու Ռիչարդսոն է: 19-ամյա երիտասարդը Արկանզաս նահանգից է: Արդարադատության նախարարությունից հայտնում են, որ համաձայն դատարանի փաստաթղթերի՝ ավտոմեքնենայի տերը զինվորական է և ծանոթ չէ Ռիչարդսոնի հետ: