Փաշինյանի օրոք օրենքը կիրառեք այնպես, ինչպես Փաշինյանի նկատմամբ՝ Սերժ Սարգսյանի օրոք. Ալումյանը՝ դատավորին

Երևանի ընդհանուր իրավասության դատարանի Շենգավիթի նստավայրում՝ դատավոր Աննա Դանիբեկյանի նախագահությամբ փետրվարի 25-ին քննվում է ՀՀ երկրորդ նախագահ Ռոբերտ Քոչարյանի և մյուսների գործով դատական նիստը։

Նիստի ժամանակ Ռոբերտ Քոչարյանի պաշտպաններից Հայկ Ալումյանն իր խոսքում նշեց. «Մեղադրող Պետրոսյանն իր և պարոն Բաղդասարյանի դիրքորոշումների մեջ հնչած վերլուծություններն անվանեց դասագրքային ճշմարտություն և ասաց մի բան, որը տրամագծորեն հակասում է այն դասագրքային ճշմարտություններին, որոնք 2019 թվականին այս նույն դահլիճում, նույն տեղում նստած 6 ուրիշ դատախազներ էին ասում: Ես չգիտեմ, հավանաբար, տարբեր դասագրքերով են սովորել:

Իրավիճակի անտրամաբանական լինելն եմ ուզում ավելի հստակ ձեզ ցույց տալ: Նիկոլ Փաշինյանի և 7 գործով 7 ամբաստանյալների, ևս բազմաթիվ մարդանց նկատմամբ նախաքննության փուլում քրեական հետապնդումը դադարեցվել է: Բայց իրենք, ովքեր այդ ժամանակվա ընդդիմադիր ուժերի ամենավառ ներկայացուցիչներն էին՝ այդ 8 հոգին, քրեական օրենսգրքի 2008 թվականի գործող 300 հոդվածում, այնուհետև 2009 թվականից գործող քրեական օրենսգրքի 300.1 հոդվածով քրեական հետապնդման չեն ենթարկվել և չեն դատապարտվել միայն մեկ պատճառով, որ այն ժամանակ այս նույն տեղում նստած 6 դատախազը համարեցին, որ 2009 թվականին ուժի մեջ մտած փոփոխություններից հետո, երբ ընդունվեց 300.1 հոդվածը, կրկնում եմ դատախազների գնահատականը, ովքեր գրել են, որ ըստ էության, նոր հանցակազմ է սահմանում, հետևաբար չի կարող կիրառվել 2008 թվականի իրադարձությունների վրա: Հիմա այդ պատճառով Նիկոլ Փաշինյանն ու 7 հոգին միայն այդ պատճառով քրեական պատասխանատվության չեն ենթարկվել և մինչև հիմա բանտում նստած չեն»:

Այս թեմայով Հայաստանի իշխանություններին անհարմար հարցեր են տալու Քոչարյանի քաղաքական հետապնդման մասին. փաստաբան Մարդկանց պետք է վաղ թե ուշ հասկանալի դառնա, որ դատական համակարգը չի կարող հլու-հնազանդ ենթարկվել այդ պահին գործող քաղաքական իշխանությանը․ Հայկ Ալումյան