Կրկեսում ներկայացման ժամանակ լուսանը հարձակվել է վարժեցնողի վրա (տեսանյութ)

Հարավային Օսիայում լուսանը կրկեսային ներկայացման ժամանակ հարձակվել է վարժեցնողի վրա: Հարձակման տեսանյութը հրապարակել է Լենտան։

Դեպքը տեղի է ունեցել Ցխինվալեում կրկեսային շրջագայության ընթացքում: Տեսանյութում երևում է, թե ինչպես է վարժեցնողը քաշում բարձր աթոռի վրա նստած վայրի կատվին: Արդյունքում կենդանին չի կարողանում պահել հավասարակշռությունը և ցած է ընկնում: Դրանից հետո վայրի կատուն հարձակվում է վարժեղնողի վրա։ Վերջինս լուրջ վնասվածքներ չի ստացել և կարողացել է կենդանուն դուրս բերել բեմից: