Այսօր գործադիր իշխանության ղեկավարի և Սահմանադրության միջև է պայքար ընթանում
Այսօր պայքարը ոչ թե գործադիր իշխանության ղեկավարի և Սահմանադրական դատարանի դատավորների միջև է, այլ գործադիր իշխանության ղեկավարի և Սահմանադրության միջև է պայքար ընթանում: Այս մասին «Սահմանադրական անվտանգություն․ մարտահրավերներ և լուծումներ» խորագրով քննարկմանն ասաց ՀՀ արդարադատության նախկին նախարար Դավիթ Հարությունյանը:
Նա օրինակ բերեց օրերս Հանրապետության նախագահի կողմից «Բանկային գաղտնիքի մասին» օրենքում փոփոխություններ կատարելու օրենքը չստորագրելը և այն ՍԴ ուղարկելը:
«Այս նախագիծը ծափողջյուններով էր ընդունվել Կառավարության կողմից, հետո ԱԺ-ի մեծամասնության կողմից դակվեց, այնուհետև ՀՀ նախագահը որոշեց չստորագրել օրենքը և ուղարկեց դրա սահմանադրականությունը ստուգելու: Բնական է՝ գործադիրը, որը նախաձեռնել էր այդ նախագիծը, շատ կուզենար, որ ՍԴ-ն միանշանակ այդ նախագիծը ճանաչեր Սահմանադրությանը համապատասխանող, կոպիտ ասած, լիներ հերթական դակող գործիքը՝ իրենց կատարած յուրաքանչյուր քայլի»,- ասաց նա:
Ըստ նրա՝ նմանատիպ հարցերն են իրականում պատճառը, թե ինչու է քաղաքական իշխանությունը ձգտում ազատվել ՍԴ ներկայիս կազմից. «Դրանով հնարավորություն է ընձեռնում չունենալ երկրում ՍԴ կամ ունենալ ցանկացած որոշում դակող Սահմանադրական դատարան»,- նշեց Դավիթ Հարությունյանը:
Արդարադատության նախկին նախարարի խոսքով՝ յուրաքանչյուր պետություն ուժեղ է, եթե ուժեղ է պետության դատական համակարգը: Բարգավաճում են այն երկրները, որտեղ կան պատշաճ օրենքներ և ուժեղ դատական համակարգ:
«Ուժեղ դատական համակարգը չի ենթադրում, որ նրանք միշտ բացարձակ ճիշտ են, բայց ենթադրում է, որ նրանք անկախ են քաղաքական իշխանությունից և ենթարկվում են օրենքին, իրենց իրավագիտակցությանը: Սակայն, եթե որևէ քաղաքական ուժ որոշի ամբողջովին ձևավորել դատական իշխանությունը, քիչ հավանական է, որ մենք կունենանք այդ բալանսավորումը, որ նրանք իսկապես կլինեն քաղաքականությունից անկախ»,- նկատեց նա:
Դավիթ Հարությունյանը նշեց, որ գործող Սահմանադրական դատարանի կազմի դատավորներն ընտրվել են տարբեր իշխանությունների կողմից՝ սկսած 1995 թ.: 2018-2019թթ. տեղի ունեցավ երկու դատավորի ընտրությունը. «Այս բալանսն է թույլ տալիս, որ դատարանի եզրակացությունները լինեն իրապես քաղաքական իշխանություններից անկախ»,- ասաց նա:
Աննա Ամրոյանը ոսկե մեդալ է նվաճել ծանրամարտի Եվրոպայի առաջնության հրում վարժությունում
Պաշտպանության ոլորտում ստորագրվել են Հայաստան-Կիպրոս երկկողմ և Հայաստան-Հունաստան-Կիպրոս եռակողմ համ...
Հունիսի 7-ը Մեր 2-րդ Անկախության Հանրաքվեն Է
Սուրեն Աղաջանյանը՝ ըմբշամարտի Եվրոպայի փոխչեմպիոն, Սլավիկ Գալստյանն ու Գասպար Տերտերյանը՝ բրոնզե մեդ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...