Քաղաքացին պետք է հասկանա, որ ինքը չի գնում «Ոչ» ասելու Հրայր Թովմասյանին, այլ ինքը գնում է «Ոչ» ասելու անկախ Սահմանադրական դատարանին
Երբևէ չէի կարող պատկերացնել, որ կհայտնվենք այն իրավիճակում, երբ կմտածենք, որ ազգային անվտանգության, իրական անվտանգության լուրջ խնդիր ունենք: Այս մասին այսօր Պոլիտէկոնոմիա» հետազոտական ինստիտուտի կողմից կազմակերպած «Սահմանադրական անվտանգություն․ մարտահրավերներ և լուծումներ» խորագրով քննարկմանն ասաց փաստաբան Լուսինե Սահակյանը:
«Չեմ պատկերացնում, որ այս երկրում լինի մեկ իրավաբան, որը ցանկանում է արդարության աչքերին նայել և ճշմարտությունը հաղորդել հանրությանը՝ ասելով, որ այս գործընթացն օրինական է»,-ասաց նա և նշեց, որ նույնիսկ իշխանության մեջ գտնվող անձինք էլ են ընդունում, որ գնում են հակասահմանադրական ուղիով:
«Մենք պետք է հասկանանք, որ երկրի կայուն զարգացման համար պարտադիր նախապայման է իրավական անվտանգությունը և քաղաքացին, որի անունից այսօր խոսում է քաղաքական իշխանությունը, պետք է գիտակցի, թե ինչին է ասում «Այո», ինչ հետևանք է ունենալու: Քաղաքացին պետք է քվեախցիկ մտնելուց, և «Այո» կամ «Ոչ» քվեարկելուց մտածի` ունենալու՞ ենք անվտանգ երկիր, թե՞ ոչ, պետականությու՞ն, թե՞ ոչ, քանի որ այս ամբողջը տանում է նրան, որ մենք կորցնում ենք մեր պետությունը»,-ասաց նա:
Լուսինե Սահակյանը նշեց, որ օրենսդիր և գործադիր իշխանությունը նույնական են: Իշխանությունները հիմա ցանկանում են այդ մի քանի անկախ դատավորներին դարձնել իրենցը, բոլորին ենթարկել իրենց կամքին: «Քաղաքացին, որ գնալու է «Այո», կամ «Ոչ» ասելու, պետք է հասկանա, որ այսօր ինքը չի գնում «Ոչ» ասելու Հրայր Թովմասյանին, կամ Սահմանադրական անդամի 7 դատավորներին, ինքը գնում է ոչ ասելու անկախ Սահմանադրական դատարանին: Այս տարիների ընթացքում առաջին անգամ ունենք իրավիճակ, որ գործում է անկախ սահմանադրական դատարան»,-ասաց նա:
Ըստ փաստաբանի՝ այս պայմաններում, երբ Սահմանադրական դատարանը չի ենթարկվում իշխանության կամքին, իշխանությունը պետք է ամենադրականը ներկայանցեր և ասեր, որ դա հեղափոխության հաղթանակն է: «Իրավական անվտանգության ամենալուրջ սպառնալիքներից մեկը իրավագիտակցության ցածր մակարդակն է, բայց երբ իրավագիտակցության ցածր մակարդակը մտնում է պետական, իշխանական համակարգ՝ ստեղծվում է խայտառակ պատկեր: Մենք հասարակությանը փորձում ենք ներկայացնել այնպիսի իրողություն, որպեսզի նման բան իրականում տեղի չունենա: Քաղաքացիները պետք է հասկանան, որ այստեղ չկա ես կողմ եմ Նիկոլին, թե կողմ չեմ, ես սև եմ, թե սպիտակ եմ, այստեղ կա մի խնդիր` դու ցանկանում ես ունենալ իրավական և ժողովրդավարական ուղի, թե այդ ցանկությունը չունես»,-ասաց նա:
Աննա Ամրոյանը ոսկե մեդալ է նվաճել ծանրամարտի Եվրոպայի առաջնության հրում վարժությունում
Պաշտպանության ոլորտում ստորագրվել են Հայաստան-Կիպրոս երկկողմ և Հայաստան-Հունաստան-Կիպրոս եռակողմ համ...
Հունիսի 7-ը Մեր 2-րդ Անկախության Հանրաքվեն Է
Սուրեն Աղաջանյանը՝ ըմբշամարտի Եվրոպայի փոխչեմպիոն, Սլավիկ Գալստյանն ու Գասպար Տերտերյանը՝ բրոնզե մեդ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...