Սա մասկի շոուի հերթական սերիան է. Շարմազանովը՝ Ռուբեն Հայրապետյանին բերման ենթարկելու մասին

Ինչպես արդեն հայտնել ենք, ՀՖՖ նախկին տնօրեն Ռուբեն Հայրապետյանին բերման են ենթարկել։

Լրագրողների հետ զրույցում փաստաբան Ամրամ Մակինյանն ասաց, որ բերման ենթարկելու գործողությունը որևէ կապ չունի ՀՖՖ–ի հետ կապված քրգործի հետ։

«Ոչ մի տեղեկություն, լրացում չունեմ։ Անցավ ժամանակ բայց դեռ չեմ կարողանում իմ՝ օրենքով սահմանված գործառույթն իրականացնեմ, չեմ կարողանում տեսակցել պարոն Հայրապետյանին։ Ինչ վերաբերվում է խուզարկությանը, պետք է նշեմ, որ ոչինչ չի հայտնաբերվել,ամենայն պատասխանատվությամբ ասում եմ, որ օրենքի սահմաններից դուրս ոչ մի իր չի հայտնաբերվել»,-ասաց Մակինյանը։

Ոստիկանության մոտ էր եկել նաև ՀՀԿ խոսնակ Էդուրադ Շարմազանովը, ով լրագրողների հետ զրույցում ասաց.

«Ապօրինի մասկի-շոուներ են և եթե ես լինում եմ քաղաքում, անպայման գալիս եմ։ Երբ Ռոբերտ Քոչարյանի, Արմեն Թավադյանի դատն էր, երբ Հրայր Թովմասյանի դստերն ու հորն էին ԱԱԾ հրավիրել, ես այստեղ էի։ Այստեղ եմ, որ որովհետև իմ ընկերոջն են բերման ենթարկել և սա մասկի շոուի հերթական սերիան է»։