Այդ անձն իրավագիտակցության հետ լուրջ խնդիրներ ունի
ՀՀ վարչապետ Նիկոլ Փաշինյանն այսօր ֆեյսբուքյան իր էջում կիսվել էր Սահմանադրական դատարանի նախագահ Հրայր Թովմասյանի մասին Հանրային Հեռուստաընկերության ռեպորտաժով և կից գրել. «Հրայր Թովմասյանը չի կարող լինել ՍԴ նախագահ և որևէ կապ ունենալ ՍԴ-ի հետ»։
Արձագանքելով վարչապետի գրառմանը, Հրայր Թովմասյանի պաշտպանական խմբի անդամ Ամրամ Մակինյանը ֆեյսբուքյան իր էջում գրել էր, որ Ն. Փաշինյանի այս գրառմամբ «գործ ունենք սահմանադրական կարգի տապալման և Սահմանադրական դատարանի յուրացման առերևույթ հանցակազմի հետ»։
168.am-ի հետ զրույցում քաղաքագետ Ստեփան Դանիելյանն անդրադառնալով վարչապետի գրառմանը և անմեղության կանխավարկածին՝ նշեց, որ նման բան կա Նիկոլ Փաշինյանի համարյա բոլոր ելույթներում։
«Այդ անձն իրավագիտակցության հետ լուրջ խնդիրներ ունի։ Ակնհայտ է, որ ՀՔԾ-ն իրեն դատարանի դերակատարություն է տվել և անգամ ձևի համար չի օգտագործում «մեղադրվում» է եզրը, այլ դատավճիռ է կայացնում և նշում «մեղավորներին»։ Նաև խիստ մտահոգիչ է, որ Հանրային հեռուստաընկերության եթերն օգտագործվում է նման հակաիրավական գործերի համար։ Կարծում եմ՝ այդ հեղինակները ու Հանրային հեռուստաընկերության պատասխանատուները նույնպես ապագայում պետք է պատասխանատվության ենթարկվեն»,- ասաց Ստեփան Դանիելյանը։
Ըստ նրա՝ նման նախադեպեր արդեն շատ կան: «Հույս ունեմ, որ հաջորդ իշխանությունները նման նախադեպերից չեն օգտվի, իսկ դրա համար անհրաժեշտ է, որ իշխանափոխությունից հետո բոլոր նման դեպքերով քրեական գործեր հարուցվեն։
Ինչ վերաբերվում է վարչապետին, ով տարածում է նման նյութը, ապա նա նույնպես այդ ամենի մասնակից է՝ համապատասխան հետևություններով հանդերձ»,- եզրափակեց Ստեփան Դանիելյանը։
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ