ՍԴ նախագահ Հրայր Թովմասյանի մասին հայտնի տեսանյութը խայտառակություն էր, խախտում է անմեղության կանխավարկածն ու ՍԴ մասին օրենքը
«Հանրային հեռուստաընկերության» «Լուրեր» հաղորդաշարի թողարկման ընթացքում հեռարձակված՝ Սահմանադրական դատարանի նախագահ Հրայր Թովմասյանի վերաբերյալ պատրաստված ռեպորտաժը խայտառակություն էր՝ երկու հանգամանքով: Առաջինը՝ այն զրպարտություն է, երկրորդ՝ կոպտագույն կերպով խախտում է անմեղության կանխավարկածը: Այս մասին Tert.am-ի հետ զրույցում ասաց փաստաբան Արամ Վարդևանյանը:
«Հեռուստաընկերության կամ իրավաբանական անձը, որը բացառապես սնվում է պետական բյուջեից՝ հարկատուների կողմից վճարված հարկերի շնորհիվ, պատասխանատվության շատ ավելի մեծ զգացում պետք է ունենա, ինչն ակնհայտորեն բացակայել է: Ես գտնում եմ, որ առնվազն պետք է զրպարտության վերաբերյալ հայցադիմում ներկայացվի «Հանրային հեռուստաընկերության» դեմ»,-ասաց փաստաբանը:
Նա ընդգծեց, որ տեսանյութով կոպտորեն խախտվել է Սահմանադրական դատարանի մասին սահմանադրական օրենքը, քանի որ Սահմանադրական դատարանի ցանկացած դատավորի նկատմամբ քրեական գործի քննության հանգամանքների հետ կապված պետք է պահպանվի գաղտնիության ավելի բարձր մակարդակ, քան ցանկացած այլ անձի դեպքում: «Սահմանադրական օրենքում այդ մակարդակը, զսպվածությունը, զգոնությունը շատ ավելի բարձր են նախատեսված: ՍԴ դատավորի հեղինակությանը միջամտելու փորձ չի կարող լինել: Մենք խոսում ենք քրեական գործի մասին: Բազմաթիվ քրեական գործեր, օրինակ, կարճվում են: Ինչպես կարող է «Հանրային հեռուստաընկերության» նման զսպվածության բացակայությամբ հանդես գալ: Անմեղության կանխավարկածի խախտման հետևանքներն ինչպե՞ս են կրելու, վնասն ինչպե՞ս են վերականգնելու»,-ասաց Վարդևանյանը:
Վերջինիս խոսքով՝ մեկ այլ կարևոր հանգամանք էլ կա՝ որտեղի՞ց «Հանրային հեռուստաընկերության» նախաքննական գաղտնիք համարվող տեղեկություն. «Ես ուսումնասիրել եմ ՀՔԾ պաշտոնական կայքէջը: Օրինակ՝ Հրայր Թովմասյանին դեկտեմբերի վերջին առաջադրված մեղադրանքի՝ Գլխավոր դատախազության տարածած պաշտոնական հայտարարության մեջ չկա ամբողջական անունը, միայն դրա սկզբնատառերն են: Նախաբանում էլ նշված է, որ այս ամենն իրենք չէին ցանկանում անել, պարզապես զգուշությամբ փորձում են ներկայացնել՝ պայմանավորված հանրային հնչեղությամբ: Դա մի պարզ պատճառ ունի՝ ոչ թե դա Դատախազության ցանկությունն էր, այլ Սահմանադրական դատարանի մասին սահմանադրական օրենքի ուղղակի պահանջը»,-ասաց փաստաբանը:
Նա կարևորեց նաև, որ երբ խոսքը քրեական գործի մասին է, ցանկացած պաշտոնատար անձի, առավել ևս՝ բարձրաստիճան պաշտոնատար անձի կողմից քրեական գործին որակումներ տալը, արդեն իսկ որոշակի մեղադրական ուղղվածության դիրքորոշումներով, ամբողջ քրեական գործի և քրեական հետապնդման օրինականության վրա գրեթե խաչ է քաշում:
«Երբ նախաքննության փուլում, մինչև դատարանի օրինական վճռի առկայությամբ վիճակում գտնվող գործերով անմեղության կանխավարկած է խախտվում, դա դատարանի վրա ազդեցություն է, արգելափակում է արդար դատաքննության իրավունքը: Ի վերջո, գոյություն ունեն պետական իշխանության մի քանի ճյուղեր, և երբ պետական իշխանության ճյուղերը կատեգորիկ գնահատականներով դիրքորոշումներ են արտահայտում, դա չի կարող բացասական հետևանք կամ ազդեցություն չունենալ իշխանության մեկ այլ ճյուղի վրա»,-ամփոփեց Արամ Վարդևանյանը:
Նշենք, որ ռեպորտաժը ֆեյսբուքյան իր էջում հրապարակել է նաև ՀՀ վարչապետ Նիկոլ Փաշինյանը, որին արձագանքելով՝ փաստաբան Ամրամ Մակինյանը նշել է, թե գործ ունենք սահմանադրական կարգի տապալման և ՍԴ յուրացման առերևույթ հանցակազմի հետ:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ