«Սա ակնհայտ խտրականություն է. Ռուստամ ջան, անկեղծորեն չէի ցանկանա քեզ տեսնել այս գործընթացում». Արփինե Հովհաննիսյան
Սա ակնհայտ խտրականություն է՝ պայմանավորված քաղաքական հայացքներով: Այս մասին Facebook-ի իր էջում գրել է ԱԺ նախկին փոխնախագահ Արփինե Հովհաննիսյանը՝ անդրադառնալով նրան, որ ինքը չի ընդգրկվել Սահմանադրական բարեփոխումների հանձնաժողովի կազմում, իսկ Արդարդատության նախարարն էլ նշել է, որ դա քաղաքական որոշում է եղել:
Արփինե Հովհաննիսյանը, մասնավորապես, նշել է.
«Ինչպես հիշում էիք, ես դիմել էի որպես իրավաբան-գիտնական Սահմանադրական բարեփոխումների մասնագիտական հանձնաժողովում ընդգրկվելու համար։ Ի սկզբանե նշել էի, որ հանձնաժողովում ընդգրկվելու հիմքը համագործակցելու մղումն էր՝ չնայած տարբեր ժամանակներում ու տարբեր առիթներով իշխանություններին ուղղված իմ քննադատություններին։
Այսօր արդարադատության նախարար Ռուստամ Բադասյանը պարզաբանել է, թե ինչ պատճառներով ես չեմ ընդգրկվել հանձնաժողովի մեջ՝ այն է՝ «դա եղել է քաղաքական որոշման արդյունք»։ Շնորհակալություն եմ հայտնում պարոն Բադասյանին անկեղծ պատասխանի համար, որը լիովին արտահայտում է սահմանադրական հանձնաժողովի ձեւավորման հիմքում ընկած չափանիշները: Ավելին անգամ դժվար էր պատկերացնել։ Սա ակնհայտ խտրականություն է՝ պայմանավորված քաղաքական հայացքներով:
Հ.Գ. Ռուստամ ջան, անկեղծորեն չէի ցանկանա քեզ տեսնել այս գործընթացում։ Մի խեղաթյուրիր այն, ինչ ներկայացվել է։ Եթե հիշում ես սահմանադրական ոլորտի իմ փորձառությունը բաժանված էր երկու փուլի՝ բուն սահմանադրական բարեփոխումների գործընթաց եւ սահմանադրական բարեփոխումների իմպլեմենտացում։
Եթե նույնիսկ կարելի է ըմբռնումով մոտենալ առաջին շրջանի նկատմամբ ձեր ֆորմալիստական մոտեցմանը, ապա երկրորդ շրջանի նկատմամբ նման մոտեցումը չի կարող որեւէ կերպ ընդունելի լինել, քանի որ ես՝ որպես արդարադատության նախարար համակարգել եմ սահմանադրական բարեփոխումների իմպլեմենտացումը, ավելին՝ նույնիսկ միջազգային փաստաթղթերում է ամրագրված իմ գործունեությունը այդ ուղղությամբ (հղումները ես տրամադրել էի):
Հ.Գ. Ռուստամ ջան, (չեմ քծնում) քո խոսքով չես ստիպի իջնել այնքան, որ հրապարակեմ մի շարք հանձնաժողովականների իշխանամետ կամ իշխանատենչ գրառումները։ (իշխանության տարբեր ներկայացուցիչների պաշտպանող գրառումները՝ ի դեպ եթե անգամ դրանք այս պահին հեռացվեն):
Ձեզ պետք էր համակիրների խմբակ, դուք դա ստացաք, ինչի կապակցությամբ շնորհավորում եմ։
Շնորհակալ եմ քեզ՝ խոսքումդ իմ հանդեպ հնչած հարգանքի համար»:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ