Արհեստական բանականությունը գտել է Շեքսպիրի պիեսների համահեղինակին

Շեքսպիրի ստեղծագործությունների հեղինակի հարցը դեռեւս փակված չէ։ Համարվում է, որ որոշ ստեղծագործություններ գրելիս գրողին օգնել են այլ գրականագետներ։ Մասնավորապես, չեխ գիտնականը վերլուծել է «Հենրիխ VIII» պիեսը, որը հրատարակվել է 1623 թվականին, Շեքսպիրի գործերի առաջին հավաքածուում, հայտնում է RG-ը։

Գիտությունների չեխական ակադեմիայից Պյոտր Պլեխաչը ելնում է նրանից, որ «Հենրիխ VIII»-ը Շեքսպիրի եւ Ջոն Ֆլեթչերի համատեղ աշխատանքն է։ Նման տեսակետ ունեն ժամանակակից շատ հետազոտողներ։ Նա ստեղծել է ալգորիթմ, որը որոշել է, թե ստեղծագործության որ մասը ով է գրել։ Դրա համար պետք էր մեքենային սովորեցնել նրանց գրած այլ ստեղծագործությունների օգնությամբ ճանաչել ռիթմը եւ խոսքերը, որոնք նախընտրել են գրողները։

Արդյունքն ապշեցրել է գիտնականներին։ Համահեղինակությունը հաստատվել է, եւ պարզվել է, որ Ֆլեթչերը գրել է պիեսի կեսից մի փոքր քիչ մասը։ Ընդ որում, նա ոչ միայն առանձին դրվագներ է գրել, նա ավարտել է Շեքսպիրի սկսած հատվածը։ Որոշ հատվածներ վկայում են խառը հեղինակելու մասին։

Գիտնականի կարծիքով, հեղինակային հարցը լուծել իր գյուտը չի կարող։ Գուցե պոետները միմյանց ազդեցությունն են կրել։ Սակայն նրա գյուտը կարող է որոշել գրագողությունը եւ տեքստում այն տեղերը, որոնք նման չեն կոնկրետ հեղինակի ոճին։