Հայաստանում 2020 թվականին նախատեսվում է վերականգնել 4 թանգարան. նախարար

Հայաստանի մշակութային ժառանգության պահպանման ծրագրերի իրականացմանն ուղղված միջոցները 2020 թվականին կավելանան։ Այս մասին խորհրդարանական մշտական հանձնաժողովների համատեղ նիստում, 2020 թվականի պետբյուջեի նախագծի քննարկման ժամանակ, հոկտեմբերի 31-ին ասաց կրթության, գիտության, մշակույթի եւ սպորտի նախարար Արայիկ Հարությունյանը։

Դա, նրա խոսքով, կապված է հանրապետության տարածքում գործող պատկերասրահների եւ թանգարանների նորոգման, ինչպես նաեւ դրանցում ջեռուցման համակարգերի անցկացման համար։ «Մենք նախատեսում ենք վերականգնել 4 թանգարան»,- նշել է նախարարը։

Հիշեցնենք, որ 2020 թվականի բյուջեի նախագծով նախատեսվում է գերատեսչությանը հատկացնել 179 մլրդ 459 մլն դրամ՝ 2019-ի 158 մլրդ 886 մլն դրամի փոխարեն։ Հիմնականում ավելացվել են կրթության ծախսերը։