Տղեքս վեշերը հավաքել, գնում են. Գյումրին ընտրություններից հետո
2017 թվականի խորհրդարանական ընտրություններն արդեն անցյալում են: Քվեների ճնշող մեծամասնությամբ վերարտադրվեց կառավարող Հանրապետական կուսակցությունը:
Ընտրություններից հետո գրեթե միշտ խոսվում է, որ ՀՀԿ-ն ընտրակեղծարարության արդյունքում վերարտադրվեց: Սակայն եթե մի կողմ թողնենք Սերժ Սարգսյանի կողմից գործադրվող ընտրակաշառքը, վարչական ռեսուրսի վրա ունեցած ազդեցությունը, ապա կա մի զանգված, ով ինքնակամ է ընտրում ՀՀԿ-ին:
Գյումրիում անցկացրած հարցումներով փորձել ենք հասկանալ, թե եթե բացակայում է ընտրակաշառքը եւ վարչական լծակը, ապա ինչն է ստիպում քաղաքացուն ընտրել այդ քաղաքական ուժին: Պարզվում է, որ մարդիկ ՀՀԿ-ին ընտրում են նույնիսկ մեկ անհատի խնդրանքով:
«Ես հանրապետականին եմ ընտրել, որովհետեւ քույրս դպրոցում է աշխատում: Իրանց սաղին ըսել էին, որ ընտանիքի անդամներով հանրապետականին կընտրեք, գնացինք, ընտրեցինք»- մեզ հետ զրույցում նշեց գյումրեցի տարեցներից մեկը:
«Ես տնտեսագիտական համալսարանում եմ սովորում, այդ իսկ պատճառով եմ ՀՀԿ-ին ձայն տվել, քանի որ մեր ռեկտորը հանրապետականի թեկնածու էր»,- անկեղծացավ գյումրեցի երիտասարդներից մեկը, ով խնդրեց չբացահայտել իր ինքնությունը:
«Ես հանրապետական եմ ընտրել, որովհետեւ 10 հազար եմ վերցրել: Ընձի մի մեղադրեք՝ հաց եմ առել, էրեխեքս սոված են: Փողը վերցրե, ընտրել եմ, որ հաց առնիմ»,- սրտնեղած նշեց բազմազավակ մայրերից մեկը, ով ուներ 6 անչափահաս երեխա:
Մեր այն հարցին, թե երկրի սոցիալ–տնտեսական վիճակն ավելի չի՞ վատանա, եթե միայն ընդամենը մեկ օրվա հացի խնդրի մասին մտածելով են այդ քայլին գնում, գյումրեցիները թերահավատորեն նշեցին, որ եթե այդ 10 հազար դրամը չվերցնեն էլ, ուրիշ օգուտ չեն ունենալու:
«Ես չգիտեմ էս ընտրությւոններից հետո ի՞նչ կփոխվի: Վերջի 10 տարին էլ փոփոխության կսպասենք, բայց էլ ինչքա՞ն: Ոչ մի հույս էլ չունիմ, որ էս երկրում բան կփոխվի»,- նշեց տաքսու վարորդներից մեկը:
Գյումրեցիների շրջանում նաեւ հետաքրքվեցինք, թե ի՞նչ ակնկալիքներ ունեն նոր ձեւավորվող կառավարությունից եւ խորհրդարանից, որտեղ 33 տոկոսը լինելու է ընդդիմադիր ուժից:
«Հեչ մի ակնկալիք էլ չունիմ: Հեչ մե լավ բանմ չի էղնի: Արդեն թանկածում է սկսվել: Պիսոկը դարձել է 450, ձեթը՝ 900: Ահա էս էլ ընտրություններից հետո»,- դժգոհելով ասաց գյումրեցի լոտո վաճառող քաղաքացիներից մեկը:
«Լավ բանի հույս չկա: Տղեքս վեշերը հավաքել են, գնում են: Ասում են՝ չենք ուզում էս երկրում ապրենք, դժգոհ են: Աշխատում են, բայց փողը չի բավարարում, երեխեքը զուրկ են ապրում»,- ասում է գյումրեցի մանկավարժներից մեկը:
Ստացվում է, որ ՀՀԿ-ի վերարտադրությանը հաջորդել է հերթական արտագաղթի նոր ալիքը: Գյումրեցիներից շատերը, ովքեր հնարավորություն ունեն, առանց վարանելու մեկնում են արտերկիր՝ Ռուսաստանի Դաշնություն, որոշներն էլ շարունակում են ընտրել ՀՀԿ-ին եւ դժգոհելով ապրել աղքատության մեջ: Գյումրիում գործազուրկ է 46 տոկոսը, ծայրահեղ աղքատ՝ 28-ը: Ամեն օր Գյումրու Շառլ Ազնավուրի հրապարակից Թուրքիա է մեկնում երկու 50 հոգանոց ավտոբուս:
Դավիթ Գասպարյան
Գյումրի
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...