Կաշառք, այո, առաջարկել են. Ատոմ Ջանջուղազյանի անկեղծության պահը

Ֆինանսների նախարար Ատոմ Ջանջուղազյանին իր աշխատանքի ընթացքում կաշատք առաջարկել են, որից նա հրաժարվել է:

«Որքան էլ զարմանալի է, բայց պետք է ասեմ՝ այո, առաջարկել են: Համաձայնվել եմ թե ոչ, չէ, չեմ համաձայնել: Բայց ոչ թե առաջարկ է եղել, այլ ակնարկ է եղել, հետեւաբար, դա չէր կարող իրավաբանական հետեւանք ունենալ»,-ԱԺ-ում լրագրողների հետ զրույցում նշեց նա:

Ջանջուղազյանը նշեց, որ դժվարը առաջին մի քանի ամիսն է, եթե կարողացար մերժել, էլ չեն առաջարկում: Նա չհստակեցրեց, թե կաշառքի առաջարկը արվել է նախորդ իշխանության ժամանակ, թե ներկա: