Չարաշահումը հո պոզով ու պոչով չի լինում
Այսօր լրագրողների հետ զրույցի ժամանակ վարչապետի պաշտոնակատար Նիկոլ Փաշինյանն ասաց. «Երեւան քաղաքում անելու ենք երթ: Մենք կարող ենք ընտրական հարցեր շոշափել-չշոշափել: Որ ասում են՝ միջազգային չափանիշներով դա խախտում է. ցույց տվեք այդ միջազգային չափանիշները, հրապարակեք: Հերիք է Հայաստանում խոսեն առանց հիմնավորումների: Թող ցույց տան այդ միջազգային չափանիշները: Հիմա խախտո՞ւմ եմ ես նախընտրական քարոզչությունը: Ես Հայաստանի բոլոր քաղաքացիներին կոչ եմ անում քվեարկել «Իմ քայլը» դաշինքի օգտին՝ առաջիկա խորհրդարանական ընտրություններին: Հիմա ես չարաշահեցի՞ վարչական ռեսուրսը»:
Իհարկե չարաշահում է։ Այստեղ երկու տեսակետ լինել չի կարող։ Չարաշահում է, այն էլ՝ ցինիկ չարաշահում։ Չարաշահում եւ օրենքի կոպիտ խախտում է նաեւ նոյեմբերի 24-ի երթի անցկացումը։
Մտահոգիչ է նաեւ Մուկուչյանի այս առնչությամբ արված հայտարարությունը, որը վարչական ռեսուրսի չարաշահման մասին հարցին պատասխանել էր, որ «Ընտրական օրենսգիրքը շատ հստակ սահմանել է նախընտրական քարոզչության ժամանակահատվածը. ԸՕ–ում ուղղակիորեն ամրագրվում է, որ նախընտրական քարոզչությունը սկսվում է ընտրություններին մասնակցող կուսակցությունների՝ ընտրական ցուցակների գրանցման համար սահմանված ժամկետի վերջին օրվան հաջորդող 7–րդ օրը եւ ավարտվում քվեարկության օրվանից 1 օր առաջ։
Այս ԱԺ արտահերթ ընտրությունների նախընտրական քարոզչության ժամանակահատվածը սկսվում է նոյեմբերի 26–ին եւ ավարտվում դեկտեմբորի 7–ին, այսինքն դա հենց այն ժամանակահատվածն է, որն անվանվում է նախընտրական քարոզչության ժամանակահատված։ Ինչը նշանակում է, որ այս ժամանակահատվածի համար են կիրառելի Ընտրական օրենսգրքում սահմանված կանոնակարգումները»:
Մնում է ցավ ապրել, որ կառավարությունում այս մասին չգիտեն կամ ձեւացնում են, թե չգիտեն։ Ցավալի է նաեւ, որ ընտրություններին մասնակցող մյուս քաղաքական ուժերն այս կապակցությամբ համատեղ հայտարարություն չեն ընդունում։ Ի վերջո ոտնատակ են տրվում գործող օրենքները այն էլ ամենացինիկ ձեւերով։
Վարդան Մխիթարյան
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Արսեն Զախարյանի տրանսֆերային արժեքն աճել է
Պետական արգելոցի ֆոտոթակարդները կրկին նկարահանել են կովկասյան ընձառյուծին