Վառելիքի գների աճի հակառակորդներն սկսել են շրջափակել վառելիքի պահեստարանները
«Դեղին բաճկոններ» ֆրանսիական հասարակական շարժման մասնակիցները, որոնք հանդես են գալիս վառելիքի գների աճի դեմ, նոյեմբերի 19-ին շարունակում են բողոքի իրենց զանգվածային ակցիաները, որոնք ամբողջ Ֆրանսիայում սկսվել էին նոյեմբերի 17-ին: Ինչպես հայտնել է AFP-ն, աշխատանքային շաբաթվա առաջին օրը ցուցարարներն սկսել են նավթամթերքների պահեստարանները շրջափակել երկրի մի շարք տարածաշրջաններում:
Գործակալության տեղեկատվության համաձայն, ամբողջությամբ արգելափակված են Total ընկերության երկու վառելիքապահեստարաններ՝ երկրի արեւմուտքի Վեռն քաղաքում եւ հարավի Ֆոս-սյուղ-Մերում: Բողոքի մասնակիցները բարիկադներ են կանգնեցրել օբյեկտների մուտքում, ոչ մի բեռնատարի թույլ չեն տալիս մուտք գործել պահեստարանի տարածք: Բացի վառելիքի պահեստների արգելափակումից, «Դեղին բաճկոնները» նոյեմբերի 19-ին շարունակել են արգելափակել փոխադրամիջոցների հոսքերն ամբողջ Ֆրանսիայի ճանապարհներին:
Ցուցարարները դժվարացնում են երթեւեկությունը երկրի մի շարք խոշորագույն ավտոմայրուղիներում՝ արգելափակոցներ դնելով ուղեւորության համար վճար գանձելու կետերում, ինչպես նաեւ բոլորածիր շարժմամբ բազմաթիվ տեղամասեր են շրջափակում քաղաքների մատույցներում: Առանձին վայրերում ցուցարարները բարիկադների վրա հերթապահել են ամբողջ գիշեր՝ տաքանալով խարույկների մոտ: Քաղաքացիական բողոքի զանգվածային ակցիաները, որոնց սկսվելու համար առիթ էր դարձել բենզինի եւ դիզելային վառելիքի գների մշտական աճը, Ֆրանսիայում անցկացվում են նոյեմբերի 17-ից:
Նույն օրը երկրում անցկացվել են տարբեր մասշտաբի ավելի քան 2 հազար ցույցեր, որոնց, իշխանությունների գնահատմամբ, մասնակցել է մոտավորապես 290 հազար մարդ: Ցուցարարները պնդում են, որ մասնակիցների թիվը մոտ էր 1 միլիոնին: Շարժումն «Դեղին բաճկոններ» անվանումն է ստացել ըստ բողոքի գլխավոր խորհրդանշանի՝ լույսն անդրադարձնող բաճկոնների, որից յուրաքանչյուր ֆրանսիացի վարորդ պետք է ունենա իր մեքենայում ի դեպս ճանապարհին վթարային վիճակում հայտնվելու, հաղորդել է ՏԱՍՍ-ը:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Արսեն Զախարյանի տրանսֆերային արժեքն աճել է
Պետական արգելոցի ֆոտոթակարդները կրկին նկարահանել են կովկասյան ընձառյուծին