Ռուբիկ Հակոբյան. «Արդյոք ընտրություններ կեղծելը միայն նշանակում է կաշառել»
«Ազատ միտք և ազատ խոսք» հասարակական կազմակերպության նախաձեռնած՝ «Արտահերթ ընտրությունների ազդեցությունը Հայաստանի քաղաքական կյանքի վրա» թեմայով քննարկման ժամանակ ԱԺ նախկին պատգամավոր Ռուբիկ Հակոբյանն անդրադարձավ ընտրությունների անցկացման ժամկետներին և ընտրությունների անցկացման ձևաչափին․
«Ասում են՝ այս ընտրությունները չեն կեղծվելու։ Ի՞նչ ասել է՝ ընտրություններ կեղծել։ Արդյոք ընտրություններ կեղծելը միայն նշանակում է կաշառել, նկուղներում ծեծել ու լցոնել։ Դա մի մասն է։ Իսկ ո՞վ է ասում, որ ժամկետ ու պայման խախտելը, ընտրակեղծարարություն չէ։ Ո՞վ է ասում, որ եթե սկզբում հայտարարում ես մայիս, հետո փոխում ժամկետը, այսինքն խաղի կանոն ես փոխում, դա միտված չէ ընտրությունների իրական արդյունքները կեղծելուն։ Իսկ ո՞վ է ասում, որ վարչական ռեսուրսի կենտրոնացումը մեկ անձի ձեռքում, չի նշանակում նախապատրաստվել կեղծել ընտրությունը։ Այո կաշառք ու լցոնումներ չեն լինելու, սակայն կեղծելու հնարավորություն տեսնում եմ հենց այս վարչական ռեսուրսների կուտակման, քաղաքական դաշտն ամբողջությամբ լուծարելու և ընտրական պրոցեսների կազմակերպումը բաժանելու ընդամենը երեք ամսվա կենսագրություն ունեցող կուսակցության գրասենյակների միջև»։
ԱԺ նախկին պատգամավորի դիտարկմամբ՝ հեղափոխական էյֆորիան այս ընտրությունների արդյունքում դառնալու է խմբակցություն Ազգային Ժողովում, որը ծրագրային լուրջ քաղաքական ուժի չի վերածվելու․ «Հեղափոխական էյֆորիային հակացուցված է բանական խոսքն ու միտքը, նա ջախջախում, սպանում է որևէ բանական միտք, եթե փորձում ես գնալ զրույցի, քննարկել ինչ-որ բան։Այս ընտրություններում, ցավոք, հաղթելու է մթնոլորտը»։
Ռուբիկ Հակոբյանն անդրադարձավ նաև Հայաստանի կողմից տարվող ներկա արտաքին քաղաքականությանը՝ ընդգծելով, որ եթե ներքին քաղաքական սխալները հնարավոր է որևէ կերպ ուղղել, ապա արտաքին քաղաքականության սխալները ճակատագրական կարող են դառնալ։ «Այսօր մենք կորցրել ենք մեր բարեկամներին, փոխարենը՝ չենք շահել գոնե չոզոք մի պետության համակրանք։ Ուժեղի մոտ հնարավոր չէ աչք-ունքով խոսել․ նրանք իրավունքի ուժով չեն առաջնորդվում, այլ ուժի իրավունքով։ Գերտերություններն այսօր «կամ-կամ»-ի առջև են կանգնեցրել մեզ, նրանք մերժել են «և՛-և՛»-ի հնարավորությունը։ Այս առումով մեր երկրի վիճակը խիստ ծանր է»,- պարզաբանեց Աժ նախկին պատգամավորը՝ հեգնանքով նկատելով, որ արտաքին քաղաքականության ոլորտում մեր ԱԳ նախարարը միայն հասցնում է խմբագրել Նիկոլ Փաշինյանի հայտարարությունները։
Ռուբիկ Հակոբյանը կարծիք հայտնեց նաև ընտրություններից հետո սպասվող իրավիճակի վերաբերյալ՝ նշելով, որ ընտրություններից անմիջապես պետք է պատրաստվել հաջորդ ընտրություններին․ «Գործող Խորհրդարանը ոչ մի կապ չի ունենա արտախորհրդարանական սպեկտորի հետ, և մի քանի ամիս անց ժողովրդի մոտ ձևավորված տրամադրությունների հետ, և կարծում եմ՝ արդեն կպատրաստվենք նոր ընտրությունների։ Բացի դա, լուրջ մարդկանց կողմից արդեն հայտարարություններ են հնչում, որ այս ընտրություններին չեն մասնակցելու և պատրաստվում են հաջորդ ընտրություններին»։
Աննա Բաղդասարյան
Top-News.am
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Արսեն Զախարյանի տրանսֆերային արժեքն աճել է
Պետական արգելոցի ֆոտոթակարդները կրկին նկարահանել են կովկասյան ընձառյուծին