Ինչի կարող են հանգեցնել դեկտեմբերյան արտահերթ ընտրությունները (Տեսանյութ)
Որքանով են հասարակությունը եւ քաղաքական դաշտը պատրաստ արտահերթ ընտրություններին:
Այսօր «Ազատ միտք եւ ազատ խոսք» հասարակական կազմակերպության նախաձեռնությամբ տեղի ունեցավ կլոր սեղան, որտեղ քննարկվեցին այս եւ արտահերթ ընտրություններին առնչվող այլ հարցեր:
Մասնավորապես, քաղաքագետ ՍտեփանԴանիելյանը, ներկայացնելով իրավիճակն, ասաց. «Քաղաքական դաշտ գոյություն չունի, կուսակցությունները փլված են: Այս պարագայում, եթե խորհրդարանական ընտրություններն անցկացվեն դեկտեմբերին, մենք խորհրդարանում կունենանք արհեստական ընդդիմություն եւ իշխանական մեծամասնություն»։
Նա նաեւ համոզված է, որ գործող վարչապետը չպետք է որեւէ կուսակցության անդամ լինի: «Այսինքն, չի կարող վարչապետը միաժամանակ լինել որևէ կուսակցության առաջնորդ»,-ընդգծեց նա:
«Ազատ միտք եւ ազատ խոսք» կազմակերպության կազմակերպած քննարկման մյուս բանախոսը՝ ԱԺ նախկին պատգամավոր Ռուբիկ Հակոբյանն էլ շեշտեց, որ քաղաքական դաշտը որպես այդպիսին չկա այս պահին։ «Մենք քաղաքական ճգնաժամի մեջ ենք եւ ամենավատն այն է որ այս ընթացքում օգտագործվեց ատելությունը որպես զենք։ Չունեցանք որեւէ տնտեսական, քաղաքական առողջ մոտեցում»,- ցավով ընդգծեց նա։
Նա նաեւ շեշտեց, որ այդ ատելությունը 26 տարիների հետեւանքն էր:
«Այս ընթացքում միայն ատելության ռեսուրսը օգտագործվեց։ Եվ կօգտագործվի այնքան ժամանակ քանի դեռ նոր իշխանությունները հստակ ծրագիր չունեն»,- վստահ է նա։
«Կարծում եմ՝ քաղաքական դաշտը վերջնականապես գլխատվեց Երեւանի քաղաքապետի ընտրություններից հետո։ Նոր իշխանությունները լուրջ քարոզչական սցենար իրականացրին՝ մի կողմում ցույց տալով Քոչարյանին, մյուս կողմում իրենց»,- նշեց
Ռուբիկ Հակոբյանը, ավելացնելով, որ իր կարծիքով իշխանությունները դեռ երկար կփորձեն ժողովրդին տրամադրել ՀՀ երկրորդ նախագահ Ռոբերտ Քոչարյանի դեմ:
Մանրամասները՝ տեսանյութում.
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Մենք ուզում ենք, որ դուք օր առաջ տնավորվեք ՀՀ-ում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի