Էյֆորիայի արդյունքում ընտրություններ չեն կազմակերպվում
Փողոց դուրս գալով խորհրդարան չեն ձեւավորում, եթե մենք պետք է այդ ճանապարհով գնանք, կարող ենք շատ բան կորցնել։ Այս մասին, այսօր՝ հոկտեմբերի 1-ին, ՀՀ վարչապետ Նիկոլ Փաշինյանի հետ բանակցություններից հետո լրագրողների հետ զրույցում նշեց ՀՀԿ խմբակցության ղեկավար Վահրամ Բաղդասարյանը՚
Նրա խոսքով, մենք պետք է ունենանք լիարժեք պառլամենտ, որտեղ իշխանությանը հարիր ընդդիմություն ձեւավորվի. «Դրա համար ժամանակ է պետք, որ ոգեւորության եւ ճիշտ գնահատականների արդյունքում ձեւավորվի պառլամենտը։ Այստեղ պետք չի շարժվել այն ուղղությամբ, թե ում է ձեռնտու դա։ Այս պահին եթե որեւէ քաղաքական ուժի ձեռնտու են ընտրությունները, պետք չի կազմակերպել։ Պետք է շարժվենք այն ուղղությամբ, թե որ պարագայում մենք կունենանք խորհրդարան, որն իրոք կարտացոլի իրական քաղաքական դաշտը եւ որն ուղղված կլինի ապագայի զարգացմանը։
Էյֆորիայի արդյունքում ընտրություններ չեն կազմակերպվում, պետք է տրվի ժամանակ, քաղաքական ուժերը նախապատրաստվեն, նաեւ հնարավորության տանք վարչապետին աշխատել, որ հանրությունը ճիշտ գնահատականներ տա»,- հայտարարեց Վահրամ Բաղդասարյանը։
Նա ասաց, որ Վարչապետի հետ իրենց բանակցությունները դեռ չեն ավարտվել, երբ վարչապետը կավարտի մյուս քաղաքական ուժերի հետ բանակցությունները, իրենք նորից կհանդիպեն բոլոր խորհրդարանական ուժերով։ Նա հերքեց տեղեկությունը, թե ինքը Նիկոլ Փաշինյանին ասել է, որ 2022 թվականին պետք է լինեն հաջորդ ընտրությունները։
Լրագրողները մեջբերեցին Նիկոլ Փաշինյանի խոսքն, ըստ որի վարչապետն այսօր չունի ՀՀԿ համաձայնությունը արտահերթ ընտրությունների անցկացման համար և Վահրամ Բաղդասարյանից հետաքրքրվեցին` ինչու՞.
«Թույլ տվեք՝ դա մնա իմ և Նիկոլ Փաշինյանի գաղտնիքը»:
Հարցին, թե ինչ կանի ՀՀԿ-ն, եթե ԱԺ մնացած բոլոր ուժերը կողմ լինեն խորհրդարանը ցրելուն եւ նոր ընտրություններ անցկացնելուն, Վահրամ Բաղդասարյանը պատասխանեց. «Այ, երբ նման որոշում լինի, դա նույնպես քննարկման առարկա կլինի»։
Նա եւս մեկ անգամ ընդգծեց, որ բանակցությունների թեման խորհրդարանական ընտրությունների ժամկետներն են, քանի դեռ ժամկետը որոշված չէ, իրենք չեն կարող ասել, թե ինչպիսին կլինեն դրանք։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մենք ուզում ենք, որ դուք օր առաջ տնավորվեք ՀՀ-ում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ամբերդ ամրոց և Քարի լիճ տանող ավտոճանապարհները փակ են
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...