Ծանր պարտությունից հետո Հայաստանի հավաքականը հաղթեց

Բաթումում ընթացող շախմատի համաշխարհային օլիմպիադայի վեցերորդ տուրում Հայաստանի հավաքականը 3,5:0,5 հաշվով վստահ հաղթանակ տարավ մակեդոնացիների նկատմամբ:

Ադրբեջանի հավաքականից կրած ծանր պարտությունից հետո սա կարեւոր հաղթանակ էր: 

Լեւոն Արոնյանը այս անգամ ոչ ոքի խաղաց, իսկ Գաբրիել Սարգսյանը, Ռոբերտ Հովհաննիսյանը եւ Հայկ Մարտիրոսյանը հաղթանակներ տարան:

Յոթերորդ տուրում Հայաստանի ընտրանին այսօր կմրցի Բելառուսի թիմի հետ, իսկ առայժմ մեր հավաքականը 10 միավորով կիսում է 3-13-րդ տեղերը, իսկ լրացուցիչ ցուցանիշներով 7-րդն է, առաջատար հավաքականից հետ մնալով երկու միավորով:

Top-News.am