Իտալիայում կամրջի փլվելու հետեւանքով զոհվածների թիվը հասել Է 38-ի (Տեսանյութեր)

Ջենովայի մոտակայքում ավտոմոբիլային կամրջի փլվելու հետեւանքով զոհվածների թիվը հասել Է 38-ի: Այդ մասին, ինչպես տեղեկացնում Է «Արմենպրես»-ը, օգոստոսի 15-ին հայտնել Է Rai News 24 լրատվական հեռուստաալիքը:

Նրա տվյալներով՝ հիվանդանոցներ տեղափոխված 15 տուժածներից ինը ծանր վիճակում են: 10 մարդ անհայտ կորած Է համարվում:

Corriere della Sera թերթը՝ վկայակոչելով ներքին գործերի նախարարության տվյալները, օգոստոսի 14-ին հայտնել Էր Ջենովայում 31 զոհվածների մասին: Ավելի վաղ Լիգուրիայի տարածաշրջանի իշխանությունները հայտարարել Էին 26 զոհվածների մասին: Հրատարակության տեղեկատվությամբ՝ զոհվածների թվում կա երկու երեխա: RAI news 24-ի տվյալներով՝ միջադեպի պահին կամրջի վրա եղել են 35 մարդատար ավտոմեքենա եւ երեք բեռնատար:
Ջենովայում երկօրյա սուգ Է հայտարարված:

Կանաչ բեռնատարի լուսանկարը, որը կանգ Է առել Իտալիայի Ջենովա քաղաքի փլված կամրջի եզրին, տարածում Է ստացել սոցիալական ցանցերում՝ դառնալով ողբերգության յուրատեսակ խոհրդանիշերից մեկը:

Լուսանկարում պատկերված կանաչ բեռնատարն՝ Իտալիայի Basko սուպերմարկետների ցանցի խորհրդանշանով, կանգ Է առել անդունդից ընդամենը մի երկու մետրի վրա: Զանգվածային լրատվամիջոցներից շատերը Համացանցում այդ կադրը զետեղել են որպես ողբերգության վերաբերյալ հաղորդումների լուսաբանում, սակայն ավտոմեքենայի վարորդի ճակատագրի մասին չի տեղեկացվում, հաղորդել Է ՏԱՍՍ-ը:

http://www.dailymail.co.uk/news/article-6061517/Videos-shocking-aftermath-Genoa-bridge-collapse.html#v-1959615656842801569

Այս թեմայով Համացանցում հայտնվել է Իտալիայում կամրջի փլուզման տեսանյութը Ջենովայում կամրջի փլվելու գոտուց տարհանված բնակիչները նոր բնակարաններ են ստանում Ջենովայում փրկարարական աշխատանքների երկրորդ գիշերն ապարդյուն է անցել (լուսանկարներ) Իտալիայի իշխանություններն ասել են՝ ով է կամրջի ողբերգական փլուզման մեղավորը Ջենովայում կամուրջի փլուզման հետեւանքով ավելի քան 600 մարդ անօթեւան է մնացել