Առանց Արցախի ժողովրդի մասնակցության արցախյան հարցի լուծում չի լինելու
Առանց Արցախի ժողովրդի մասնակցության արցախյան հարցի լուծում չի լինելու: Այս մասին ՀՀ կառավարությունում հրավիրված մամուլի ասուլիսի ժամանակ հայտարարեց Հայաստանի Հանրապետության վարչապետ Նիկոլ Փաշինյանը:
«Բոլոր աշխատանքային փաստաթղթերում արձանագրված է, որ արցախյան հարցի կարգավորման վերջնական փուլում գործընթացում պետք է լիարժեք ներգրավված լինի Արցախը»,- ասաց վարչապետը:
Նա ընդգծեց, սակայն, որ մինչ այդ կարող են լինել հարցի շուրջ քննարկումներ: «Ես հայտարարել եմ, որ պատրաստ եմ բանակցել Ադրբեջանի նախագահի հետ և հիմա էլ դա կրկնում եմ: Բանակցային նյութ կա, պետք է ծանոթանանք դրանց, վերլուծենք և բանակցենք: Բանակցությունները ևս օգտակար են, որովհետև պետք է որոշակի վստահության մթնոլորտ ստեղծվի հարցի կարգավորման համար: Առանց դրա հարցի կարգավորում հնարավոր չէ»,- ասաց Փաշինյանը՝ հերթական անգամ ընդգծելով, որ հայկական կողմը պատրաստ է ջանքեր գործադրել խնդրի կարգավորման մթնոլորտի ձևավորման համար:
Կառավարության ղեկավարը նշեց, որ Հայաստանի համար անընդունելի է այն ռազմաշունչ և ագրեսիվ հռետորաբանությունը, որը շարունակաբար վարում է Ադրբեջանը: «Մենք ԵԱՀԿ Մինսկի խմբի համանախագահներին ու միջազգային հանրությանն ասում ենք, որ պատրաստ ենք անկեղծ ջանքեր գործադրել Արցախի հարցի կարգավորման համար: Բոլորս պետք է արձանագրենք, սակայն, որ դրա համար անհրաժեշտ է կարգավորման մթնոլորտ: Դուք չեք տեսնի Հայաստանի ու հայ ժողովրդի կողմից որևէ գործողություն, որը խաթարում է այդ մթնոլորտը»,- հայտարարեց Փաշինյանը:
Նա կրկնեց ավելի վաղ ևս արտահայտած միտքն այն մասին, թե հեղափոխությունից հետո Ադրբեջանական կեցվածքի ագրեսիվության մեծացումը կապված է Ադրբեջանի իշխանությունների ունեցած մտավախության հետ, թե այդ երկրի ժողովուրդը կարող է ոգևորված լինել Հայաստանում տեղի ունեցած ժողովրդավարական փոփոխություններով: «Նրանք կարող են մտավախություն ունենալ, որ գործընթացը կարող է տեղափոխվել Ադրբեջան, ուստի փորձում են իրենց հանրության ուշադրությունը երկրում կոռուպցիայի և ժողովրդավարության վիճակից շեղել դեպի Արցախի հարց, թշնամական հովանոցի տակ շարունակել ավանդական քաղաքականությունը»,- նշեց վարչապետը՝ ընդգծելով, որ Հայաստանում տեղի ունեցածը մաքուր ներքաղաքական գործընթաց էր:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Մենք ուզում ենք, որ դուք օր առաջ տնավորվեք ՀՀ-ում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի