Դրամատիկ սցենար Բելգիա-Ճապոնիա խաղում

Առաջին խաղակեսում այնպիսի տպավորություն էր, որ բելգիացիները խնդիր են դրել գոլ ճխփել ճապոնացիների դարպասը: Իրենց հերթին ճապոնացիներն էլ ոչնչով աչքի չէին ընկնում:

Երկրորդ խաղակեսում էլ տպավորությունն այնպիսին էր, որ դաշտ են դուրս եկել բոլորովին այլ թիմեր, բայց նույն համազգեստով: Չգիտես ինչու բելգիացիները սխալվում էին պաշտպանությունում, չէին կարողանում խելքը գլխին գրոհներ իրականացնել, իսկ ճապոնացիներն էլ իրար հետեւից երկու գոլ խփեցին:

Հարագուին եւ Ինուին չորս րոպեի ընթացքում երկու գոլ խփեցին: 2:0 եւ բելգիացիները մի քանի րոպե ոչինչ չէին անում խաղը փրկելու համար մինչեւ այն պահը, երբ 69-րդ րոպեին Վերտոնգենը պատահաբար հաշիվը դարձրեց 2:1:

Հինգ րոպե անց Ֆելայնին հաշիվը դարձրեց 2:2: Իսկ հետո մի պահ թված, թե լրացուցիչ ժամանակն անխուսափելի է, թեեւ բելգիացիները մի քանի ռեալ գոլային պահ ունեցան: Ճապոնացիները եւս գրոհում էին:

Մրցավարն ավելացրեց չորս րոպե եւ ավելացրած երրորդ րոպեին ճապոնացիները տուգանային հարվածի իրավունք ստացան եւ չգիտես ինչու գրեթե ամբողջ թիմով հայտնվեցին բելգիացիների կիսադաշտում: Հոնդան լավ հարվածեց, Կուրտուան մի կերպ հետ մղեց գնդակը, եղավ անկյունային, որից հետո Կուրտուան արագ սկսեց գրոհը եւ եւս երկու փոխանցում հետո Չադլին 3:2 հաշվով հաղթանակ պարգեւեց Բելգիային:

Եւ այս խաղից հետո առաջանում է մի քանի հարց.

1. Եթե բելգիացիներն այդքան հզոր էին, ինչու չէին գրոհում երբ հաշիվը 0:0 էր եւ անգամ 2:0 էր:

2. Բազմափորձ ճապոնացիները ինչու խաղի վերջին վայրկյաններին ամբողջ թիմով մրցակցի կիսադաշտում էին՝ այն էլ անկյունայինի խաղարկման ժամանակ:

3. Ինչու են թիմերը մեկ ֆուտբոլ խաղում իսկ հետո երկար ժամանակ գնդակ գլորում:

Իսկ մեկ քառորդ եզրափակիչում Բելգիան կմրցի Բրազիլիայի հետ: Ի՞նչ սցենար են պատրաստել թիմերըւ մեզ համար առայժմ հնարավոր չէ կռահել:

Top-News.am

Այս թեմայով