Անգլիան ձեռքները մեջքներին դրած հաղթեց Թունիսին

Ֆուտբոլի աշխարհի առաջնության G խմբում ընդգրկված Անգլիայի եւ Թունիսի ֆուտբոլիստները ձանձրալի եւ տխուր հանդիպում անցկացրին Վոլգոգրադում:

Խաղի սկզբում Անգլիան ցուցադրում էր գեղեցիկ եւ դիտարժան ֆուտբոլ, ստեղծում գոլային պահեր, սակայն 11-րդ րոպեին Քեյնի խփած գոլից հետո, կարծես թե, անտեսանելի ձեռքի հրահանգով սկսեցին չխաղալ եւ դաշտում ոչ թե վազում էին, այլ քայլում:

Ավելին, 34-րդ րոպեին անգլիացի պաշտպանը վերցրեց եւ անիմաստ խախտում արեց եւ նշանակվեց 11 մետրոնոց, որն իրացրեց Սասին:

Երկրորդ խաղակեսում երկու թիմերի ֆուտբոլիստները դաշտում քայլում էին, անում ամեն ինչ բացի ֆուտբոլ խաղալուց: Այդպես էլ լրացան խաղի համար նախատեսված րոպեները: Մրցավարն ավելացրեց չորս րոպե եւ հենց այդ ժամանակ Քեյնը գլխի հարվածով հաշիվը դարձրեց 2:1:

Ի դեպ, թունիսցիները, չգիտես ինչու, որոշել էին չհսկել Քեյնին:

Այս խմբում առաջին տուրից հետո երեքական միավոր են վաստակել բելգիացիները եւ անգլիացիները:

Top-News.am

Այս թեմայով Խորվաթիայի նախագահը ԱԱ-2018-ի, ուշացած անձրևանոցի ու իր փչացած սանրվածքի մասին Ֆրանսիայում դիմավորել են աշխարհի չեմպիոններին (Լուսանկարներ) Ֆրանսիան ցնծում է, Խորվաթիան տխրում Դեշանը՝ չեմպիոն-խաղացող և չեմպիոն-մարզիչ Աշխարհի առաջնության եզրափակիչը լուսանկարներով