Ռաֆա Նադալը 11-րդ անգամ նվաճեց «Ռոլան Գարոսի» գավաթը

Փարիզում ավարտվեց թենիսի Ֆրանսիայի բաց առաջնությունը: Այն տասնմեկերորդ անգամ ավարտվեց իսկանացի տաղանդավոր թենիսիստ Ռաֆայել Նադալի հաղթանակով:

Աշխարհի առաջին ռակետը եզրափակիչում մրցեց ավստրիացի Դոմինիկ Թեմի հետ եւ չհանդիպեց լուրջ դիմադրության, թեեւ երրորդ խաղափուլում թեթեւ վնասվածքով էր խաղում: Իսպանացին հաղթեց 6:4, 6:3, 6:2 հաշվով: 

Հանդիսավոր արարողության ժամանակ ավստրիացի թենիսիստն ասաց, որ իր համար երազանք էր Նադալի հետ եզրափակիչում հանդիպելը, եւ որ ինքը երջանիկ է: «Ես տասնմեկ տարեկան էի եւ հետեւում էի քո հաղթանակին այստեղ՝ 2005-ին: Ես չէի կարող պարկերացնել, որ մի օր այստեղ քո կողքին կանգնած կլինեմ»,- ասաց նա:

32-ամյա Նադալը 17-րդ տիտղոսը նվաճեց «Մեծ սաղավարտի» մրցաշարերում («Ռոլան Գարոս»՝ 11, US Open՝ 3, Ուիմբլդոն՝ 2, Australian Open՝ 1):