Ֆեյսբուքներից, լայվերից դուրս գալու եւ գործ անելու ժամանակը
Հայաստանի ազգային անվտանգության խորհրդի քարտուղար Արմեն Գրիգորյանն արձագանքել է պաշտպանության նախկին նախարար Վիգեն Սարգսյանի բաց նամակին։
Վիգեն Սարգսյանին արձագանքել է Արմեն Գրիգորյանի եւս մեկ թիմակից: Կարելի է կռահել, որ կլինեն այլ արձագանքներ: Տպավորություն է, որ նրանք կամ ֆեյսբուքում գրառումներ են անում, կամ կարդում, թե ով ինչ է գրել, որ անպայման արձագանքեն, կամ լայվերի մեջ են, կամ էլ այս ու այնտեղ հարցազրույց են տալիս:
Բնական հարց է առաջանում՝ իսկ ե՞րբ եք աշխատելու, ե՞րբ եք դադարելու պատմել նախկին կառավարության կամ կառավարությունների վատ աշխատանքի մասին:
Եւ քանի որ անդրադարձանք Արմեն Գրիգորյանի արձագանքին, մի քանի դիտարկում անենք:
ԱԽ նորանշանակ քարտուղարը հազար դրամով հարկերը բարձրացնելը համարում է ձախողում, այն դեպքում, երբ կառավարության ղեկավար Նիկոլ Փաշինյանը կողմ է քվեարկել Վիգեն Սարգսյանի առաջարկին, անգամ ելույթ ունեցել եւ պաշտպանել այդ առաջարկը: Ստացվում է, որ Գերագույն գլխավոր հրամանատարը կողմ է, իսկ Անվտանգության Խորհրդի քարտուղարը՝ դեմ:
Կարծում ենք, որ Արմեն Գրիգորյանը Վիգեն Սարգսյանին պատասխանելուց առաջ գոնե պետք է ճշտեր այս հարցում կառավարության ղեկավարի տեսակետը: Իսկ շտապողականությունը բերեց հերթական տհաճ իրավիճակին:
Արմեն Գրիգորյանը ձախողում է համարում նաեւ տարկետման հետ կապված օրենքի ընդունումը: Անշուտ, յուրաքանչյուր ոք կարծիք ունենալու իրավունք ունի, բայց երբ կարծիք է հայտնում ԱԽ քարտուղարը, նա պետք է դա անի երկար մտորումներից եւ քննարկումներից հետո:
ԱԽ քարտուղարը Վիգեն Սարգսյանին քննադատում է նաեւ ռազմահայրենասիրական դաստիարակության ռազմավարության համար, այն դեպքում, երբ դա մշակել էր ԿԳ նախարարությունը:
Եվ եթե Արմեն Գրիգորյանը հարկ համարեր հայտարարություն անելուց առաջ մի փոքր ուսումնասիրեր իրավիճակը, քննարկվող նյութը, ապա կրկին չէր հայտնվի նման անհարմար իրավիճակում:
Մի խոսքով, չերկարացնենք, բայց մեր բոլորի շահերից է բխում, որ դուրս գաք ֆեյսբուքներից, լայվերից եւ բուն գործով զբաղվեք:
Top-News.am
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...