Հանրային սննդի կազմակերպմամբ զբաղվող, բանակում չծառայած Աղաջանյանը նշանակվել է վարչապետի աշխատակազմի ղեկավար

Վարչապետ Նիկոլ Փաշինյանի որոշմամբ «Քաղաքացիական պայմանագիր» կուսակցության անդամ Էդուարդ Աղաջանյանը նշանակվել է վարչապետի աշխատակազմի ղեկավար:

Վարչապետի որոշման մեջ ասվում է.

«Հիմք ընդունելով «Հանրային ծառայության մասին» Հայաստանի Հանրապետության օրենքի 9-րդ հոդվածի 13-րդ մասը՝

Էդուարդ Աղաջանյանին նշանակել Հայաստանի Հանրապետության վարչապետի աշխատակազմի ղեկավար»:

Էդուարդ Աղաջանյանի կենսագրությունը

Ծնվել է 1988թ. oգոստոսի 29-ին Երևանում։

2005 թ. ավարտել է «Կուպալյան» մասնավոր վարժարանը։

2012 թ. ստացել է բակալավրի կոչում՝ Մոնակոյի միջազգային համալսարանի բիզնես ադմինիստրացիայի ֆակուլտետ։

2016թ. ստացել է մագիստրոսի կոչում՝ Մոնակոյի միջազգային համալսարանի ֆինանսական ակտիվների կառավարման ֆակուլտետ։

2014 -2017թթ. զբաղվել է անհատ ձեռնարկատիրությամբ՝ հանրային սննդի կազմակերպման ոլորտում։