Եթե պաշտոնյան հարսանիք գնա՝ կհայտնվի բանտում
Համացանցում հայտնվել է աուդիոձայնագրություն, որում Ուզբեկստանի նախագահ Շավքաթ Միրզիյոեւը քննադատում է հարսանեկան արարողություններին մասնակցող պետական պաշտոնյաներին, ինչպես նաեւ ուզբեկական հարսանիքների ավանդույթը:
«Վարչապետին, հոքիմներին, գործադիր մարմնի ներկայացուցիչներին արգելվելու է մասնակցել հարսանիքներին: Այն օրը, երբ չայխանաների մոտ տեսնեմ պետական պաշտոնյաների ավտոմեքենաները, դրանց տերերն անմիջապես կազատվեն աշխատանքից եւ կենթարկվեն քրեական պատասխանատվության»,- ասել է Ուզբեկստանի նախագահը:
«Այդ ժամանակներն անցել են: Դա մարդկանց դուր չի գալիս: Հարսանեկան արարողությունները եւ խնջույքները կընթանան առանց պետական պաշտոնյաների: Վարչապետը քիթը ցցած, իր բոլոր տեղակալներով մտնում է հարսանյաց սրահ եւ բոլորը ոտքի են կանգնում... Անխիղճ, այդ փողով գնիր քսան կիլոգրամ միս, ներկ, նորոգիր կարիքավորներից մեկի տունը, նրանց համար հեռուստացույց գնիր»,- շեշտել է Շավքաթ Միզիյոեւը:
Ուզբեկստանի նախագահը նաեւ հայտնել է, որ խորհրդարանը որոշում կկայացնի, որով կսահմանափակվի հարսանեկան արարողությունների մասնակիցների թիվը:
«Տաշքենդում ապրող եւ չորս դուստրերի հայրը պետք է կախվի»,- բարկացած ասել է Ուզբեկստանի առաջնորդը:
«Հասարակ մարդը, որը աշխատավարձ է ստանում բյուջեից կարող է հասնել նրան, որ ինքնասպանություն գործի: Ինչո՞ւ: Դե քանի որ այլ ելք չունի: Աղքատը բժշկի չի գնում, պարտքերի մեջ է թաթախվում, որ աղջիկների հարսանիքն անի: Նա պետք է տոննաներով փլավ եփի, կահույք գնի, ամեն ինչ գնի: Մենք փորձեցինք քարոզի օգնությամբ փոխել իրավիճակը՝ չի ստացվում: Ո՞մ են պետք այդ հարսանիքները»,- շարունակել է ելույթը նախագահը:
Նա համոզված է, որ հարսանեկան արարողությունների նորմավորումը եւ կլանոնակարգումն օրենքով կնպաստի նաեւ կոռուպցիայի դեմ պայքարին, ինչպես նաեւ երկրում արդարության հաստատմանը:
«Եթե կանոնակարգենք հարսանիքները, ապա արդարություն կհաստատվի եւ բոլորը հարսանիքները նույն կերպ կանեն: Եթե որեւէ ղեկավար, խոքիմ, դատախազ, հարկայինի աշխատող խախտի ընդունված նորմը, կտեսնեք, նույն օրը նա կլինի բանտում: Կհարցնե, թե ինչո՞ւ: Որտե՞ղ է նախարարը կամ փոխվարչապետն այսքան բարձր աշխատավարձ ստանում, որտե՞ղ են այդքան աշխատավարձ ստանում, որ նման հարսանիքներ են անում: Սա սովորական գողություն է»,- վստահ է նախագահը:
Հարսանյաց հանդեսների ժամանակ այսուհետ արգելվելու է ավանդական առավոտյան փլավը:
«110 - 120 հոգի: Վերջ: Հատուկ դեպքերում հատուկ հանձնաժողովը կթույլատրի 150 հոգանոց հարսանիքները: Ոչ մի տեղ այլ հարսանիքներ չեն լինի: Հարսանիքները երիտասարդների ուրախության համար են: Ես ստիպված եմ նման հրամանագիր արձակել: Հարսանեկան արարողությունները կանցկացվեն 13-ից 14-ը»,- շեշտել է Ուզբեկստանի նախագահը:
Top-News.am
Ուզբեկստանի նախագահը զվարճանում է տանջելով նախարարներին
Ուզբեկ գերուհին. Պյոտր Բոլոգովը այն մասին, թե որքան արժե Իսլամ Քարիմովի դստեր կյանքը հոր մահից հետո
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...