Համացանցում է հայտնվել Սաակաշվիլիի ձերբակալության տեսանյութը (Տեսանյութ)

Վրաստանի նախկին նախագահ եւ Օդեսայի նախկին նահանգապետ Միխայիլ Սաակաշվիլիի Facebook-ի էջում հրապարակվել է նրա ձերբակալության տեսանյութը:

Տեսահսկման սարքերի նկարահանած տեսանյությում դիմակավորված ուժայինները ներխուժում են Կիեւի ռեստորաններից մեկը եւ մի քանի այցելուների հատակին են պառկեցնում: Հաջորդ կադրերում 4 իրավապահներ, ենթադրաբար, Սաակաշվիլիին տանում են դեպի ավտոմեքենան, ըստ որում՝ նրանցից մեկը նրա մազերից է բռնել:

Տեսանյութի նկարագրության մեջ նշված է, որ Սաակաշվիլիին ձերբակալած մարդիկ «ամբողջ ճանապարհին մինչեւ օդանավ հասնելը խփում էին նրա դեմքին, փակում բերանն ու աչքերը, սպառնում գնդակահարել»:

Սաակաշվիլիին երկուշաբթի Լեհաստան են արտաքսել, որի տարածքից անցյալ տարվա աշնանը նա ապօրինի Ուկրաինա էր մտել՝ ճեղքելով սահմանապահների եւ իրավապահների պատնեշը:

Լեհաստանի սահմանապահ ծառայությունը հաստատել է նրա Վարշավա ժամանելը: Սաակաշվիլիի կողմնակիցները հանրահավաք են անցկացրել Ուկրաինայի նախագահի նստավայրի մոտ: Ավելի վաղ նրանց եւ ոստիկանության աշխատակիցների միջեւ բախումներ են եղել, մեկին ձեբակալել են

Լեհաստան ժամանելով՝ Սաակաշվիլին ZIK հեռուստաալիքի եթերում հայտարարել է, որ մտադիր է Ուկրաինա վերադառնալ «օրինական ճանապարհով»:

Այս թեմայով Սահակաշվիլին պատմել է, թե ինչպես է Թրամփը հարցրել իր կարծիքը նախագահի պաշտոնում առաջադրվելու մասին Սաակաշվիլին Հայաստանի և Ադրբեջանի ղեկավարներին կոչ է անում դիտարկել Ուկրաինայի և Մոլդովայի օրինակը Սաակաշվիլին հայտարարել է, որ ցանկանում է մահվանից հետո թաղվել Ուկրաինայում Սաակաշվիլին հրաժարվել է արյուն հանձնել քննության համար. Վրաստան Սաակաշվիլին այլեւս չի զբաղվի քաղաքականությամբ