Դրամատիկ և ծանր հանդիպումն ավարտվեց «Ռեալի» բարդ հաղթանակով

Իսպանիայի Լա լիգայի ընթացիկ մրցաշրջանի 6-րդ տուրում Մադրիդի «Ռեալը» հյուրընկալվելիս ուժերը չափեց «Էլչեի» հետ։ «Մանուել Մարտինես Վալերո» մարզադաշտում կայացած չափազանց դրամատիկ և ծանր հանդիպումն ավարտվեց մադրիդյան թիմի բարդ հաղթանակով՝ 3-2 հաշվով։

Խաղի հաշիվը 25-րդ րոպեին բացվեց տանտերերի ֆուտբոլիստ Դիտուրոյի ինքնագոլի շնորհիվ, իսկ 33-րդ րոպեին Մբապեն կրկնապատկեց «արքայական» ակումբի առավելությունը։ Երկրորդ խաղակեսում «Էլչեն» կարողացավ վերադառնալ խաղ. 71-րդ րոպեին Օսորիոն կրճատեց հաշվի տարբերությունը, իսկ 83-րդ րոպեին Ֆեր Նինյոն հավասարեցրեց այն: Այնուամենայնիվ, «Ռեալը» պայքարեց մինչև վերջ, և փոխարինման մտած Կառլոս Էսպին 90+1-րդ րոպեին խփեց հյուրերի հաղթական գնդակը։

Այս ծանր հաղթանակից հետո Ժոզե Մոուրինյուի գլխավորած թիմը վաստակած միավորների թիվը հասցրեց 15-ի և հավասարվեց առաջատարներին: «Էլչեն» մնաց 2 միավորով՝ մրցաշարային աղյուսակի ստորին հատվածում 20-րդ տեղում: Նշենք, որ այս հաղթանակով մադրիդյան թիմը կարողացավ վերականգնվել և խուսափել երկրորդ անընդմեջ անհաջողությունից. նախորդ տուրում թիմն արտագնա խաղում պարտվել էր «Բետիսին» (0-1)։

armsport.am