Պուտինը եռօրյա այցով ժամանել է Հնդկաստան

Ռուսաստանի նախագահ Վլադիմիր Պուտինը եռօրյա աշխատանքային այցով ժամանել է Հնդկաստան, հաղորդում է ՌԻԱ Նովոստին։ Նրան դիմավորել է Հնդկաստանի արտաքին գործերի պետնախարար Կիրտի Վարդհան Սինգհը։ Ռուսաստանի նախագահը սեպտեմբերի 11-13-ը Նյու Դելիում կմասնակցի BRICS գագաթնաժողովին։
 
Ուրբաթ Պուտինը կհանդիպի Հնդկաստանի վարչապետ Նարենդրա Մոդիի հետ։ Բանակցություններից հետո նրանք համատեղ կայցելեն «Իննոպրոմ. Հնդկաստան» միջազգային արդյունաբերական ցուցահանդես։ Այդ օրը Պուտինը, այլ առաջնորդների հետ  ելույթ կունենա BRICS բիզնես ֆորումում։
 
Տասնութերորդ գագաթնաժողովի հիմնական ծրագիրը կսկսվի շաբաթ։ Կենտրոնական միջոցառումը կլինի ասոցիացիայի պետությունների ղեկավարների հանդիպումը։ Ակնկալվում է, որ հիմնական պայմանավորվածությունները կարտացոլվեն համատեղ հռչակագրում։
 
ԲՐԻԿՍ-ի բազմակողմանի միջոցառումներից բացի, Պուտինի հաջորդ երկու օրվա գրաֆիկը կներառի բազմաթիվ երկկողմ հանդիպումներ։ Մասնավորապես, նա բանակցություններ կվարի Հարավաֆրիկյան Հանրապետության նախագահ Սիրիլ Ռամաֆոսայի, Մալայզիայի վարչապետ Անվար Իբրահիմի, Եթովպիայի վարչապետ Աբի Ահմեդի և Աբու Դաբիի թագաժառանգ շեյխ Խալեդ բին Մոհամմեդ ալ Նահյանի հետ։
Ռուսաստանի ղեկավարը կհանդիպի նաև BRICS-ի նոր զարգացման բանկի ղեկավար Դիլմա Ռուսեֆի հետ։ Պլանավորվում է նաև Եգիպտոսի նախագահ Աբդել Ֆաթթահ աս-Սիսիի հետ բանակցություններ վարելու հնարավորությունը:
 
Կիրակի նախատեսված է BRICS+ ընդլայնված հանդիպում, որին Պուտինը կմասնակցի BRICS-ի մյուս առաջնորդների և գործընկեր երկրների ներկայացուցիչների հետ։