Կարիբյան ծովում հերթական հարվածն է հասցվել թմրավաճառության մեջ կասկածվող նավին
ԱՄՆ զինված ուժերը սեպտեմբերի 9-ին հերթական հարվածն են հասցրել Կարիբյան ծովում ենթադրաբար ապօրինի թմրավաճառությամբ զբաղվող նավին։ Հարվածի հետևանքով երեք մարդ է զոհվել։ Ինչպես հաղորդում է «Արմենպրես»-ը, այդ մասին հայտնել է ԱՄՆ զինված ուժերի Հարավային հրամանատարությունը:
Հրամանատարության՝ X սոցիալական ցանցում հրապարակված հաղորդագրության համաձայն՝ «արագընթաց նավը գործել է Կարիբյան ծովում թմրանյութերի մաքսանենգության հայտնի երթուղիների շրջանում»։ «Հաստատված հետախուզական տվյալները վկայում էին նավի՝ թմրանյութերի ապօրինի շրջանառության մեջ ակտիվ ներգրավվածության մասին», - հայտնել է հրամանատարությունը։
Ըստ ամերիկյան զանգվածային լրատվամիջոցների տվյալների՝ 2025 թվականի աշնանը հարձակումների մեկնարկից ի վեր ԱՄՆ զինված ուժերի կողմից ենթադրաբար թմրանյութերի մաքսանենգների կողմից օգտագործվող նավերի ուղղությամբ իրականացված հարվածների հետևանքով զոհվել է ավելի քան 220 մարդ։
Բացի այդ, 2026 թվականի օգոստոսի վերջից ԱՄՆ զինված ուժերը խորտակել են մի քանի նավ, որոնք, ըստ ամերիկյան կողմի, ծառայել են որպես լողացող վառելիքավորման կայաններ Էկվադորի «Լոս Չոներոս» նարկոկարտելի համար։
Հարավային հրամանատարության հայտարարությունների համաձայն՝ այդ նավերում գտնվող մարդկանց փոխանցել են Էկվադորի իշխանություններին։
Ինչո՞ւ է Հայաստանը տեղափոխվում Երևան
Բյուրոկրատիան ընդդեմ Հայաստանի զարգացման
Էրեբունի-րևան. ինչպես է փոխվել մայրաքաղաքի ծննդյան տոնը՝ հոբելյանական միջոցառումից մինչև քաղաքային ա...
Ճիշտ պահն է մտածելու Էվերթոնի պատմության հաջորդ գլխի մասին
Այրարատ կինոթատրոնն ու այլ գույքեր՝ իրավական վեճի կենտրոնում
Երբ դուրս ես գալիս խաղադաշտ, մտածում ես բացառապես հաղթանակի մասին
Իրականացվում են պատմության և մշակույթի հուշարձանների վերականգնման աշխատանքներ
Հայաստանի ԱԳՄԱ նախարարի հեռախոսազրույցը Թուրքիայի ԱԳ նախարարի հետ
Ռուսաստանն արգելել է Վրաստանից Նաբեղլավիի և Կոկա-կոլայի ներմուծումը
Ուկրաինան հարվածներ է հասցնում Ռուսաստանում Յանդեքսի տվյալների կենտրոններին