Ֆրանսիական փորձը՝ Հայաստանի ոչ նյութական մշակութային ժառանգության պահպանության գործընթացներում
Հովհաննես Շարամբեյանի անվան ժողովրդական արվեստների թանգարանում մեկնարկել է «Ոչ նյութական մշակութային ժառանգությունը Ֆրանսիայում և դրա պահպանությունը կայուն զարգացման տեսանկյունից» խորագրով վերապատրաստման քառօրյա դասընթացը։ Նպատակն է մասնակիցներին ներկայացնել ոչ նյութական մշակութային ժառանգության պահպանության ֆրանսիական փորձը, ինչպես նաև կայուն զարգացման համատեքստում դրա պահպանության և փոխանցման ժամանակակից մոտեցումները։
Դասընթացին մասնակցում են Հայաստանի տարբեր համայնքներից ոչ նյութական մշակութային ժառանգության ոլորտում ներգրավված մասնագետներ և մշակույթի ոլորտի ներկայացուցիչներ՝ մարզպետարանների և համայնքապետարանների մշակույթի բաժինների, թանգարանների, գրադարանների ու մշակույթի կենտրոնների աշխատակիցներ, ժողովրդական ստեղծագործության մասնագետներ և վարպետներ։
Դասընթացի բանախոսներն են Ֆրանսիայի ոչ նյութական մշակութային ժառանգության ոլորտի առաջատար մասնագետներ Քյարա Բորտոլոտոն և Լիլի Մարտինեն, որոնք մասնակիցների հետ կկիսվեն ոլորտում իրենց մասնագիտական փորձով և գիտելիքներով։
Դասընթացն իրականացվում է ԿԳՄՍ նախարարության Պատմամշակութային ժառանգության գիտահետազոտական կենտրոնի և Հայաստանում Ֆրանսիայի դեսպանության միջև 2025 թվականի նոյեմբերի 5-ին կնքված Գործընկերության պայմանագրի համաձայն՝ Հայաստանում Ֆրանսիայի դեսպանության և ԿԳՄՍ նախարարության համագործակցությամբ իրականացվող «Հայաստանի մշակութային ժառանգության պահպանում, արժևորում և մասնագետների վերապատրաստում» ծրագրի շրջանակում։
Դասընթացը կարևոր քայլ է Հայաստանի ոչ նյութական մշակութային ժառանգության պահպանության ոլորտում մասնագիտական կարողությունների զարգացման և միջազգային փորձի փոխանակման ուղղությամբ։ Այն հնարավորություն է ընձեռում Հայաստանի տարբեր համայնքների ներկայացուցիչներին ծանոթանալու Ֆրանսիայի փորձին, խորացնելու ոչ նյութական մշակութային ժառանգության պահպանության վերաբերյալ իրենց գիտելիքները և ձեռք բերած փորձը կիրառելու համայնքային մակարդակում։
Ծրագրի իրականացումը կնպաստի Հայաստանում ոչ նյութական մշակութային ժառանգության պահպանության գործընթացների առավել արդյունավետ կազմակերպմանը, տեղական համայնքների ներգրավվածության ամրապնդմանը և կենսունակ ժառանգության փոխանցման ու զարգացման համար բարենպաստ պայմանների ստեղծմանը։
Ինչո՞ւ է Հայաստանը տեղափոխվում Երևան
Բյուրոկրատիան ընդդեմ Հայաստանի զարգացման
Էրեբունի-րևան. ինչպես է փոխվել մայրաքաղաքի ծննդյան տոնը՝ հոբելյանական միջոցառումից մինչև քաղաքային ա...
Ճիշտ պահն է մտածելու Էվերթոնի պատմության հաջորդ գլխի մասին
Այրարատ կինոթատրոնն ու այլ գույքեր՝ իրավական վեճի կենտրոնում
Երբ դուրս ես գալիս խաղադաշտ, մտածում ես բացառապես հաղթանակի մասին
Իրականացվում են պատմության և մշակույթի հուշարձանների վերականգնման աշխատանքներ
Հայաստանի ԱԳՄԱ նախարարի հեռախոսազրույցը Թուրքիայի ԱԳ նախարարի հետ
Ռուսաստանն արգելել է Վրաստանից Նաբեղլավիի և Կոկա-կոլայի ներմուծումը
Ուկրաինան հարվածներ է հասցնում Ռուսաստանում Յանդեքսի տվյալների կենտրոններին