Արուճի եկեղեցում պարգևատրվել են «Եվրոպական ժառանգության երիտասարդ կերտողները» մրցույթի հաղթողները
ՀՀ կրթության, գիտության, մշակույթի և սպորտի նախարար Ժաննա Անդրեասյանն ու ՀՀ-ում Եվրոպական միության պատվիրակության ղեկավար, դեսպան Վասիլիս Մարագոսը «Եվրոպական ժառանգության երիտասարդ կերտողները» մանկապատանեկան ստեղծագործական մրցույթի մասնակից դպրոցականների հետ այցելել են Արագածոտնի մարզի Արուճի Սուրբ Գրիգոր եկեղեցի: Այցին մասնակցել է նաև ԿԳՄՍ նախարարի տեղակալ Ալֆրեդ Քոչարյանը: Այս մասին տեղեկացնում են ԿԳՄՍՆ-ից:
Հյուրերը շրջել են Արուճի Սուրբ Գրիգոր եկեղեցում և հարակից տարածքում, ծանոթացել հուշարձանի պատմությանը:
Միջոցառման ընթացքում ԿԳՄՍ նախարար Ժաննա Անդրեասյանը և Եվրոպական միության պատվիրակության ղեկավար Վասիլիս Մարագոսը պատվոգրեր են հանձնել «Եվրոպական ժառանգության օրեր» ծրագրի «Եվրոպական ժառանգության երիտասարդ կերտողներ» մրցույթում հաղթող 9 թիմերին:
Նախարար Ժաննա Անդրեասյանը շնորհավորել է աշակերտներին և շնորհակալություն հայտնել մասնակցության և հուշարձանների նկատմամբ հետաքրքրություն ցուցաբերելու համար: Նախարարը հույս է հայտնել, որ օրվա միջոցառումը կոգևորի աշակերտներին բացահայտել Հայաստանը և ճանաչել մշակութային ժառանգությունը՝ պատմամշակութային հուշարձանները: Ժաննա Անդրեասյանը տեղեկացրել է՝ ամեն տարի Արագածոտնի մարզի Արուճի Սուրբ Գրիգոր եկեղեցում իրականացվում է հոգևոր երաժշտության փառատոն՝ Սուրբ Ծննդյան նվիրված համերգ: «Հուսով եմ՝ դուք ևս կմասնակցեք առաջիկա համերգին, որովհետև երբ եկեղեցում հնչում է հոգևոր երաժշտություն, դրա վեհությունն ու շքեղությունն ամբողջովին նորովի են բացահայտվում»,- դիմելով աշակերտներին՝ ասել է Ժաննա Անդրեասյանը։
Այնուհետև ԿԳՄՍ նախարարը, ԵՄ դեսպանն ու դպրոցականները քայլարշավ են իրականացրել դեպի Արուճի միջնադարյան ամրոց:
«Եվրոպական ժառանգության երիտասարդ կերտողներ» մրցույթի ազգային փուլում հաղթող ճանաչված Աբովյան քաղաքը ներկայացնող «Լուսերուն» (լույսի սերունդ) թիմը հաղթանակ է գրանցել նաև համաեվրոպական փուլում։ Հաղթող թիմը մեկնել էր նաև Ստրասբուրգ, որտեղից օրերս է վերադարձել։ «Լուսերունը» ներկայացրել էր Գառնու տաճարի վերաբերյալ ինտերակտիվ կրթական խաղ-վիկտորինա։
Նշենք, որ ARC-HE-TOUR-DEV ծրագրի շրջանակում Հայաստանում Իտալիայի դեսպանության աջակցությամբ մշակվել է Արուճի միջնադարյան ամրոցի վերականգնման և թանգարանացման նախագիծը՝ պահպանելով մեթոդաբանական խստությունը և հուշարձանի պատմական ամբողջականությունը։ Նախագծով նախատեսվում է այցելուների երթուղիներ, հանգստի գոտիներ, մուտքային հատվածներ և մեկնաբանման գործիքներ՝ ապահովելով հուշարձանային համալիրի համահունչ ու հասկանալի ներկայացումը։
Ինչո՞ւ է Հայաստանը տեղափոխվում Երևան
Բյուրոկրատիան ընդդեմ Հայաստանի զարգացման
Էրեբունի-րևան. ինչպես է փոխվել մայրաքաղաքի ծննդյան տոնը՝ հոբելյանական միջոցառումից մինչև քաղաքային ա...
Երբ դուրս ես գալիս խաղադաշտ, մտածում ես բացառապես հաղթանակի մասին
Ճիշտ պահն է մտածելու Էվերթոնի պատմության հաջորդ գլխի մասին
Այրարատ կինոթատրոնն ու այլ գույքեր՝ իրավական վեճի կենտրոնում
Ուկրաինան հարվածներ է հասցնում Ռուսաստանում Յանդեքսի տվյալների կենտրոններին
Հայաստանի ԱԳՄԱ նախարարի հեռախոսազրույցը Թուրքիայի ԱԳ նախարարի հետ
Իրականացվում են պատմության և մշակույթի հուշարձանների վերականգնման աշխատանքներ
Ռուսաստանն արգելել է Վրաստանից Նաբեղլավիի և Կոկա-կոլայի ներմուծումը