Ձմռան ամիսներին այս սխալները կարող են «սպանել» քո մեքենայի շարժիչը
Ձմռան ամիսներին շատ վարորդներ սխալ են գործարկում ավտոմեքենայի շարժիչը՝ վտանգելով դրա տեխնիկական վիճակը։ URA.RU-ի փոխանցմամբ՝ Պերմի Պոլիտեխնիկական համալսարանի «Ավտոմեքենաներ և տեխնոլոգիական մեքենաներ» ամբիոնի դոցենտ Սերգեյ Պեստրիկովը նշել է, որ ամենատարածված սխալներից մեկը ձմռանը չհամապատասխանող, չափազանց խիտ շարժիչային յուղի օգտագործումն է։ Ցածր ջերմաստիճաններում նման յուղը կորցնում է իր հոսունությունը և չի հասնում շարժիչի բոլոր հանգույցներին, ինչի հետևանքով որոշ դետալներ, հատկապես առանցքակալները, աշխատում են «չոր» ռեժիմով և արագ մաշվում։
Փորձագետը սխալ է համարում նաև շարժիչը միացնելը անմիջապես՝ առանց սպասելու, որ էլեկտրոնային համակարգերն ու վառելիքի պոմպը պատրաստ լինեն աշխատանքին, ինչպես նաև շարժիչի գործարկումը միացված էլեկտրասարքերով՝ լույսեր, նստատեղերի տաքացում, աուդիոհամակարգ կամ ապակիների տաքացում։ Այդ դեպքում մարտկոցի էներգիան ծախսվում է ոչ թե ստարտերի, այլ էլեկտրասարքերի վրա, ինչը բարդացնում է շարժիչի գործարկումը։ Բացի այդ, խորհուրդ չի տրվում երկար պահել բանալին բոցավառման փականում, քանի որ սառած յուղը փոխանցման տուփում մեծացնում է դիմադրությունը և ավելացնում բեռը ստարտերի ու մարտկոցի վրա։
Պեստրիկովը խորհուրդ է տվել խուսափել նաև երկարատև տաքացումից դատարկ ընթացքով, քանի որ դա հանգեցնում է վառելիքի ոչ լիարժեք այրման և նստվածքների ավելացման։ Միևնույն ժամանակ սխալ է համարվում կարճ տաքացումից հետո անմիջապես արագ վարելը, ինչը կարող է լրացուցիչ վնաս հասցնել շարժիչին և փոխանցման համակարգին։
Հայկական ֆուտբոլում հասունանում է իրավական նոր սկանդալ
Իրանը քննարկում է Եվրոպայում ամերիկյան օբյեկտների հարվածներ հասցնելու հնարավորությունը. FT
Ռուսաստանը օգոստոսի 20-ի գիշերը բալիստիկ հրթիռներով հարվածել է Կիևին
Սերգեյ Բագրատյանին երեք օրով չվճարվող արձակուրդ է տրամադրվել
Դեպի ԵՄ երկրներ արտահանման ծավալն աճել է
Հրապարակվել է Կառավարության ծրագիրը՝ հիմնված «Իրական Հայաստանի» գաղափարախոսության վրա
Վրաստանի ՆԳՆ-ը կոչ է արել քաղաքացիներին և լրատվամիջոցներին «զերծ մնալ չստուգված տեղեկատվության տարած...
Սուրեն Պապիկյանն անակնկալ ստուգայցեր է իրականացնում ՊՆ զորամասերում
Եվս մեկ ստուգայց՝ հերթապահություն իրականացնող զորամասերից մեկում. Պապիկյան
Գյումրի-Կարս երկաթուղու վերագործարկման հայկական հատվածի նախագծման համար միջազգային մրցույթ է հայտարա...