Արևմտյան հետախուզությունը կասկածում է Ռուսաստանին՝ Իլոն Մասկի Starlink արբանյակների դեմ զենք մշակելու մեջ․ AP
ՆԱՏՕ-ի երկու երկրների հետախուզական ծառայությունները կասկածում են, որ Ռուսաստանը նոր զենք է ստեղծում, որի նպատակը Իլոն Մասկի Starlink ընկերության կապի արբանյակների խոցումն է, գրում է Associated Press-ը։ Գործակալությանը հաջողվել է ծանոթանալ հատուկ ծառայությունների զեկույցներին։
Հետախուզական տվյալների համաձայն՝ զենքը փորձելու է արբանյակների ուղեծրերը «հեղեղել» հարյուր հազարավոր փոքրիկ գնդիկներով (որոնք անտեսանելի կլինեն տիեզերական օբյեկտները սկանավորող համակարգերի համար), որպեսզի միանգամից շարքից հանեն մի քանի արբանյակ և պոտենցիալ վնաս հասցնեն ուղեծրային այլ համակարգերին:
Զեկույցից հետևում է, որ Ռուսաստանը Starlink-ի արբանյակները լուրջ սպառնալիք է համարում: Դրանք թույլ են տալիս ինչպես ուկրաինացի զինվորականներին, այնպես էլ քաղաքացիական անձանց (այդ թվում՝ պաշտոնյաներին) օգտվել ինտերնետից՝ թե՛ մարտի դաշտում, թե՛ այն տարածքներում, որտեղ ավանդական ենթակառուցվածքները ոչնչացված են:
Այն փաստաթղթում, որին ծանոթացել է AP-ն, չի նշվում, թե երբ այս զենքը պատրաստ կլինի կիրառման համար:
AP-ի կողմից հարցված մասնագետները, ովքեր չեն կարդացել հետախուզական զեկույցները, կարծում են, որ նմանատիպ զենքը չափազանց ռիսկային կլինի և կարող է անվերահսկելի քաոս ստեղծել տիեզերքում, ինչպես նաև խնդիրներ առաջացնել հենց Ռուսաստանի և նրա դաշնակից Չինաստանի համար:
AP-ին չի հաջողվել անկախ աղբյուրներով ստուգել հետախուզական տվյալները: ԱՄՆ-ի և Ֆրանսիայի տիեզերական ուժերը հրաժարվել են մեկնաբանել փաստաթուղթը:
Հայկական ֆուտբոլում հասունանում է իրավական նոր սկանդալ
Ռուսաստանը օգոստոսի 20-ի գիշերը բալիստիկ հրթիռներով հարվածել է Կիևին
Իրանը քննարկում է Եվրոպայում ամերիկյան օբյեկտների հարվածներ հասցնելու հնարավորությունը. FT
Սերգեյ Բագրատյանին երեք օրով չվճարվող արձակուրդ է տրամադրվել
Հրապարակվել է Կառավարության ծրագիրը՝ հիմնված «Իրական Հայաստանի» գաղափարախոսության վրա
Դեպի ԵՄ երկրներ արտահանման ծավալն աճել է
ՀՀ ԱԳ նախարարն ընդունել է ԱՄՆ Ներկայացուցիչների պալատի անդամ Աբրահամ Համադեին
Սուրեն Պապիկյանն անակնկալ ստուգայցեր է իրականացնում ՊՆ զորամասերում
Վրաստանի ՆԳՆ-ը կոչ է արել քաղաքացիներին և լրատվամիջոցներին «զերծ մնալ չստուգված տեղեկատվության տարած...
Վրաերթի են ենարկվել զինծառայողներ, մեկը մահացել է