Եթե մարդու տունը մենավոր է, ավելի լավ է իրեն էդ տեղից էվակուացնենք, քան գազ քաշենք. Փաշինյան
Նախորդ օրը համայնքներից մեկում մի քաղաքացի ասում է, որ, ենթադրենք, 20 տարի իմ տունը ճանապարհ չունի, գազ չունի, պարզվում է՝ այդ տունը հիմնական բնակավայրից 5 կմ կտրված, մենավոր տուն է, որն իրոք չունի ճանապարհ ու գազ։ Այս մասին, այսօր՝ դեկտեմբերի 18–ին, կառավարության նիստում հայտարարեց ՀՀ վարչապետ Նիկոլ Փաշինյանը։
«Այդտեղ ենթադրենք, կարող ենք հատկացնել 100 կամ 50 մլն ճանապարհի համար և 30 մլն գազի համար, բայց դա պրոբլեմ է, բա համայնքի այն մյուս հատվածներում չլուծված խնդիրներ կան։ Համայնքը կարող է ասել՝ մի րոպե, բայց այդ 100 միլիոնով ու 20 միլիոնով կարող էիք ուրիշ խնդիր լուծել։
Հարգելիս, լավ հասկացանք, ժամանակին համայնքը հողը տվել է, շինթույլտվությունը տվել է, բայց հիմա մենք ո՞նց լուծենք այդ հարցը։ Պատկերացնում եք, մի տան հաշվով մենք տանենք 150 միլիոն դրամ ներդրում անենք, մնացած տները կասեն՝ մեր տների հաշվով էլ 150 միլիոն դրամ ներդրում արեք։ Ավելի լավ է մենք այդ տունը գերակա շահ ճանաչենք, առնենք, տանք, մարդուն ասենք՝ գնացեք մի ուրիշ տեղ բնակարան ձեռք բերեք։ Ավելի էժան կնստի մեր վրա, երեք հատ բնակարան։ Եվ ես հիմա այդ խնդիրը դնում եմ, որովհետև համարյա բոլոր մարզպետների հետ կապված մարդիկ նամակ են գրում, ես իրենց նամակ եմ գրում։ Շատ դեպքերում էլ ասում են՝ լավ, քանի որ վարչապետին դիմել է, կկազմակերպենք, հետո գնում եմ, տեսնում եմ՝ էդ մի տան համար մեկ կմ բան ենք կառուցել։
Ես առաջարկում եմ բոլոր այդպիսի դեպքերում, կարող է կոպիտ հնչի, բայց մարդկանց մենք այդտեղից պետք է էվակուացնենք, պիտի գերակա շահ ճանաչենք, փողը տանք 15% պլյուս շուկայական արժեքով, ասենք՝ հարգելիներս, գնացեք ուրիշ տեղ տուն առեք, առավել ևս եթե գլխավոր հատակագծով պարզվում է, որ այդտեղ թաղամաս է կառուցվում։
Եթե տունը մենավոր է, դա միջոցների վատնում է։ հա, մարդը վատ վիճակում է, բայց այդ դեպքերում ես առաջարկում եմ ուղղակի որոշում կայացնենք, այնտեղ, որտեղ անտրամաբանական կտրվածություն կա, ուղղակի մարդկանց այդ փողը տանք, առնենք, իրենց տանք գումար, ասենք՝ գնացեք ուրիշ տեղ տուն առեք բնակավայրի ներսում, կամ գնացեք կառուցեք, որտեղ այդ գազը կա»,–ասաց Փաշինյանը։
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ