15,5 մլն դրամ հատկացվեց միջազգային փառատոններում մրցանակի արժանացած մշակույթի գործիչներին

Կառավարությունն իր այսօրվա՝ դեկտեմբերի 18–ի նիստում որոշեց 15 մլն 498 հազար դրամ հատկացնել ԿԳՄՍ նախարարությանը՝ մշակույթի ոլորտի միջազգային հեղինակավոր փառատոնների մրցանակաբաշխություններին մասնակցած և մրցանակի արժանացած մշակույթի գործիչների դրամական խրախուսում հատկացնելու համար։

Մասնավորապես, Գրիշա Մարտիրոսյանը 2025–ի հոկտեմբերի 20-26-ը մասնակցել է «Օպերալիա. Պլասիդո Դոմինգո Համաշխարհային օպերային երգի մրցույթ»-ին (Operalia World Opera Competition) և արժանացել 2-րդ մրցանակի, ինչպես նաև ճանաչվել է Զարզուելա անվանակարգի հաղթող:

Ակսել Դավեյանը 2025 թվականի հունիսի 2-7-ը մասնակցել է «Ստանիսլավ Մոնյուշկո օպերային միջազգային մրցույթ»-ին և արժանացել 3-րդ մրցանակին։ Միաժամանակ հաղթել է նաև «Հանդիսատեսի մրցանակ», «Լեհական երգի լավագույն կատարում», «Կոսիուչկո հիմնադրամի հատուկ մրցանակ», «Լեհական թագավորական թատրոնի հատուկ մրցանակ» անվանակարգերում։

«Բադակտուց Փրոդաքշըն» ՍՊԸ-ի կողմից արտադրված «Օձի ապուր» կարճամետրաժ անիմացիոն ֆիլմը 2025 թվականի հունիսի 8-14-ը մասնակցել է Անսիի անիմացիոն ֆիլմերի միջազգային փառատոնին, որն ունի Ամերիկյան կինոկադեմիայի Օսկար մրցանակաբաշխության որակավորում և հանդիսանում է անիմացիայի ոլորտում առաջնային կինոփառատոն /https://www.annecyfestival.com/en/ և 2025 թվականի հոկտեմբերի 3-12-ը մասնակցել է Բուխարեստի Անիմեստ անիմացիոն ֆիլմերի միջազգային փառատոնին, որը Ամերիկյան կինոակադեմիայի (Օսկար) որակավորում ունեցող, Ա-դասի կինոփառատոն է և համարվում է աշխարհի լավագույն տասը անիմացիոն կինոփառատոներից մեկը /https://www.animest.ro/։

«Հոշկի ֆիլմ» ՍՊԸ-ի կողմից արտադրված «Թռչող տերևների երգը» կարճամետրաժ անիմացիոն ֆիլմը 2025թ-ի փետրվարի 28-ից մարտի 28-ը մասնակցել է Թոմաս Էդիսոն կինոփառատոնին և արժանացել Ժյուրիի ընտրության մրցանակի: Թոմաս Էդիսոն կինոփառատոնն ունի Ամերիկյան կինոկադեմիայի Օսկար մրցանակաբաշխության որակավորում /https://www.tefilmfest.org/ և 2025 թվականի ապրիլի 27-ից մայիսի 2-ը մասնակցել է Ալեքսանդրիա կարճամետրաժ ֆիլմերի փառատոնին, որն ունի Ամերիկյան կինոկադեմիայի Օսկար մրցանակաբաշխության որակավորում /https://alex-sff.com/:

«ԱրտՍտեպ-ստուդիա» ՍՊԸ-ի կողմից արտադրված «Ձմեռն անվերջ» կարճամետրաժ անիմացիոն ֆիլմը 2025 թվականի օգոստոսի 15-22-ը մասնակցել է Սարաևոյի կինոփառատոնին և արժանացել «Լավագույն կարճամետրաժ ֆիլմ» մրցանակի: Սարաևոյի կինոփառատոնն ունի Ամերիկյան կինոկադեմիայի Օսկար մրցանակաբաշխության որակավորում /https://www.sff.ba/en/,2025 թվականի սեպտեմբերի 1-6-ը մասնակցել է Ֆանտոչե անիմացիոն ֆիլմերի միջազգային փառատոնին և արժանացել «Հանդիսատեսի համակրանք» մրցանակի:

Ֆանտոչե կինոփառատոնն ունի Ամերիկյան կինոկադեմիայի Օսկար մրցանակաբաշխության և BAFTA-ի որակավորում /https://www.fantoche.ch/en/, 2025 թվականի հոկտեմբերի 19-24-ը մասնակցել է Թեհրանի կարճամետրաժ ֆիլմերի միջազգային փառատոնին և արժանացել «Լավագույն անիմացիոն ֆիլմ» մրցանակի:

Կինոփառատոնն ունի Ամերիկյան կինոկադեմիայի Օսկար մրցանակաբաշխության որակավորում /https://www.tisff.ir/english/ և 2025 թվականի հոկտեմբերի 20-26-ը մասնակցել Ուպսալայի կարճամետրաժ ֆիլմերի փառատոնին և նոմինացվել է «Եվրոպական կինոմրցանակի թեկնածու» անվանակարգում: Կինոփառատոնն ունի Ամերիկյան կինոկադեմիայի Օսկար մրցանակաբաշխության, Եվրոպական կինոակադեմիայի և BAFTA-ի որակավորում /https://shortfilmfestival.com/en/om-festivalen/: