Կրթության բովանդակությունը հակապետական է եղել, այժմ փոխում ենք այդ բովանդակությունը. ԿԳՄՍ նախարար
Չի կարող պետության հարատևություն լինել առանց կրթության, բարձրորակ և համընդհանուր հասանելի կրթության։ Այս մասին ՀՀ պետական մարմինների ներկայացուցիչների առաջին համաժողովում պանելային քննարկման ժամանակ նշեց ԿԳՄՍ նախարար Ժաննա Անդրեասյանը։
«Այսօր մենք բոլորս տեսնում ենք այն կրթական համակարգի հետևանքները, որի առանցքում ամենևին էլ պետությունը չի եղել։ Եվ անկախ նրանից, թե մենք ինչ որակով այդ կրթությունը կիրականացնեինք, եթե այդ կրթության բովանդակությունը հակապետական է, ապա այստեղ չեմ կարծում, որ որակը պակաս կամ ավել, բերելու էր մեր խնդիրների լուծմանը։
Առաջինը, ինչին պիտի ուշադրություն դարձնենք, դա կրթության բովանդակությունն է։ Ինչի շուրջ ենք մենք կառուցում մեր մոտեցումները։ Եվ տևական ժամանակ, այո, այդ մոտեցումները եղել են հաճախ նույնիսկ հակոտնյա պետությանը։ Եվ այսօր կրթական բարեփոխումների մի շատ մեծ ծավալ ուղղված է կրթության բովանդակության փոփոխությանը։ Դա շատ բարդ փոփոխություն է և այնպես չի, որ մեկ օրում այդ փոփոխությունը կարող է տեսանելի լինել։ Բայց դա նաև մի փոփոխություն է, առանց որի մեր բոլոր մնացած ջանքերը չեն հասնելու տեղ։ Մենք կարող ենք կառուցել լավագույն դպրոցները և այդտեղ շարունակենք ունենալ այդ կասկածելի բովանդակությունը»,–ասաց նա։
Նախարարը նկատեց, որ այդ բարեփոխումներին հասնելու համար կարևոր է նաև հենց ոլորտում մարդկային կարողությունների զարգացումը. «Որպեսզի կարողանանք պատրաստել այն կադրերը, որոնք հետագայում կծառայեն պետության նպատակներին, պետք է հետ գնանք և տեսնենք, իսկ ովքե՞ր են այն մարդիկ, որոնք պատրաստում են այդ կադրերին։ Առնվազն մեծ աչքակապություն կլինի, եթե մենք պնդենք, որ այսօր բոլոր այն մարդիկ, որոնք ներառված են կրթության գործում, սովորեցնելու բան ունեն։ Այստեղ ես խոսում եմ նաև մեր բուհական դասախոսների մասին, որոնց մի մասը իմ խորին համոզմամբ կարիք ունի լուրջ կարողությունների զարգացման, մյուս մասն էլ թերևս այլ աշխատանքով զբաղվելու։ Ունենք նաև շատ լավ դասախոսներ, բայց համակարգային խնդիրները պետք է առաջին հերթին ձևակերպվեն, որպեսզի հետո դրանց լուծումների ճանապարհով գնանք»։
Անդրադառնալով ակադեմիական քաղաքին, Ժաննա Անդրեասյանն ասաց, որ դա միայն միջավայր ու ենթակառուցվածք չի, այդ նաև այսպիսի մարդկային կարողությունների համախմբում, որի միջոցով այդ մրցունակությունը ապահովելու են։
«Մենք վստահ ենք, որ այս գործընթացի արդյունքում մեր բոլոր կրթական հաստատություններում պետք է լինեն մարդիկ, որոնք սովորեցնում են առաջին հերթին իրենք սովորելով և կարծում եմ, որ սա անպայման բաղադրիչն է կրթության համակարգում ներգրավվածություն ունենալու համար»,– ընդգծեց ԿԳՄՍ նախարարը։
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Իրանի հանգուցյալ գերագույն առաջնորդի կինը ողջ է
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Հայաստանում 2025 թվականի ընթացքում արտադրված էլեկտրաէներգիայի 14%-ը բաժին է հասնում արևային կայաններ...
Իրանի հավաքականները կարող են որակազրկվել և հեռացվել ՖԻՖԱ-ի բոլոր հետագա մրցաշարերից