Վրաստանը խստացնում է բողոքի ակցիաների անցկացման կանոնները
«Վրացական երազանքը» փոփոխություններ է մտցնում օրենքում՝ խստացնելով քաղաքացիների բողոքի արտահայտման պայմանները: Վրաստանի Ներքին գործերի նախարարության աշխատակիցները պարտավոր կլինեն զգուշացնել ցուցարարներին, եթե հավաքը կամ ցույցը անցկացվում է մարդաշատ այն տարածքում՝ որտեղ հետիոտներ են տեղաշարժվում (մայթերին), կամ եթե մասնակիցների թիվը բավարար չէ:
Կազմակերպիչները պարտավոր կլինեն տեղեկացնել ՆԳՆ-ին այն մասին, որ պատրաստվում են փակել ճանապարհի մի մասը հետիոտների համար կամ երթևեկելի հատվածը տրանսպորտի համար։ Հավաքի կամ ցույցի կազմակերպման և անցկացման մասին ծանուցումը պետք է ներկայացվի Վրաստանի ՆԳՆ Պարեկային ոստիկանության դեպարտամենտ՝ ոչ ուշ, քան յուրաքանչյուր հավաքից կամ ցույցից 5 օր առաջ։
«Երազանքը» մտադիր է այս բոլոր փոփոխությունները արագացված կարգով մտցնել «Հավաքների և ցույցերի մասին» օրենքում։ Փոփոխություններ են մտցվում նաև Վարչական իրավախախտումների վերաբերյալ օրենսգրքում։
Նույն նախագծի համաձայն՝ Վրաստանի Ներքին գործերի նախարարությունը պարտավոր կլինի հրապարակայնորեն նախազգուշացնել քաղաքացիներին ողջամիտ ժամկետում և պլանավորված, այլ ոչ թե ինքնաբուխ հավաքի կամ ցույցի դեպքում առաջարկել այլընտրանքային ժամանակ, վայր կամ ամսաթիվ, «եթե Ներքին գործերի նախարարությունը որոշում կայացնի նման առաջարկի վերաբերյալ»։
Եթե ցուցարարների թիվը բավարար չէ ճանապարհը փակելու համար, ապա Ներքին գործերի նախարարության աշխատակիցները պարտավոր կլինեն մաքրել տարածքը և բացել այն հետիոտների կամ տրանսպորտային միջոցների համար։
Իսկ եթե բողոքի ակցիայի մասնակիցների բավարար քանակ հավաքվի, ապա, մարդկանց կողմից երթևեկության կամ ճանապարհի զանգվածային արգելափակման դեպքում, ՆԳՆ լիազորված աշխատակիցը պետք է դիմի նրանց և զգուշացնի, որ եթե հետիոտների համար զանգվածաբար փակված տեղը կամ տրանսպորտի համար նախատեսված երթևեկելի մասը չբացվեն հաջորդ 15 րոպեի ընթացքում, ապա ակցիան/հավաքը/բողոքը/ցույցը կհամարվեն անօրինական և այդ դեպքում կհայտարարվի հավաք-ցույցի ժամկետից շուտ դադարեցման մասին և կձեռնարկվեն նաև միջազգային իրավունքի և օրենսդրության նորմերին համապատասխան միջոցներ:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ