Երգեհոնային երաժշտության երրորդ միջազգային փառատոնը եզրափակվել է հանդիսավոր համերգով
Կոմիտասի անվան կամերային երաժշտության տանը տեղի է ունեցել Վահագն Ստամբոլցյանի անվան Երգեհոնային երաժշտության երրորդ միջազգային փառատոնի ամփոփիչ համերգը՝ նվիրված Յոհան Սեբաստիան Բախի 340-ամյակին։ Փառատոնը կազմակերպվում է 2022 թվականից ԿԳՄՍ նախարարության աջակցությամբ՝ Կամերային երաժշտության ազգային կենտրոնի նախաձեռնությամբ:
Համերգի մեկնարկին ողջույնի խոսքով է հանդես եկել ԿԳՄՍ նախարարի տեղակալ Դանիել Դանիելյանը՝ շնորհավորելով կազմակերպիչներին և մասնակիցներին փառատոնի հաջող իրականացման առթիվ. «Երեք տարի առաջ, երբ քննարկվում էր փառատոնի գաղափարը, շատ քչերն էին հավատում, որ այն կկայանա։ Այսօր հպարտությամբ կարող ենք արձանագրել, որ փառատոնը կայացել է և դարձել ոչ միայն Հայաստանի, այլև տարածաշրջանի կարևոր մշակութային իրադարձություններից մեկը»։
Դանիել Դանիելյանը կարևորել է նաև փառատոնի շրջանակում մի շարք երկրներից անվանի երգեհոնահարների հյուրընկալումը, ինչպես նաև նրանց մասնակցությունը ՀՀ մարզերում կազմակերպվող համերգներին ՝ընդգծելով, որ մշակութային կյանքի ապակենտրոնացումը պետական քաղաքականության կարևոր ուղղություններից է:
Համերգի ընթացքում ելույթներով հանդես են եկել հայկական երգեհոնային դպրոցի տարբեր սերնդի ներկայացուցիչներ՝ սկսած այն երաժիշտներից, որոնք նոր են բացահայտում երգեհոնի բարդ ու գեղեցիկ աշխարհը՝ Դավիթ Հովհաննիսյան, Արմեն Բաբայան, մինչև հայկական երգեհոնային դպրոցի լավագույն ներկայացուցիչներ, որոնք շարունակում են Վահագն Ստամբոլցյանի գործը՝ Աննա Բակունց, Կարինե Հովհաննիսյան, Լուսին Սարաջյան, Աննա Առուստամյան։
Երգեհոնահարների հետ հանդես են եկել նաև հայկական վիոլայի կատարող Գրիգոր Առաքելյանը, սոպրանո Նելլի Քալաշյանը և հոբոյահար Տիգրան Վարդանյանը։
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին