JAMA. Սննդակարգում ածխաջրերի ցածր պարունակությունը մեղմացնում է շիզոֆրենիայի ախտանիշները
Կետո դիետան օգնում է մեղմացնել դեպրեսիայի և շիզոֆրենիայի ախտանիշները, սակայն ոչ՝ տագնապային խանգարման։ Այս եզրահանգմանն են եկել Տորոնտոյի Սուրբ Միքայելի հիվանդանոցի հետազոտողները։ Աշխատանքի արդյունքները հրապարակվել են JAMA Psychiatry ամսագրում։
Հեղինակները վերլուծել են 50 հետազոտության տվյալներ, որոնց մասնակցել է ավելի քան 41 հազար մեծահասակ 15 երկրից։ Ընտրանքում ներառվել են ինչպես հոգեկան խանգարումներ՝ շիզոֆրենիա, դեպրեսիվ մեծ խանգարում, երկբևեռ խանգարում, ընդհանրացված տագնապային խանգարում և հետտրավմատիկ սթրեսային խանգարում ունեցող մարդիկ, այնպես էլ հոգեբուժական ախտորոշումներ չունեցող մասնակիցներ, այդ թվում՝ ճարպակալմամբ հիվանդներ։
Վիճակը գնահատվել է վավերացված կլինիկական սանդղակներով։
Կետոգեն դիետան՝ ճարպերի բարձր պարունակությամբ, սպիտակուցների չափավոր քանակով և ածխաջրերի նվազագույն մակարդակով սննդակարգը, վաղուց կիրառվում է որպես ռեֆրակտեր էպիլեպսիայի բուժում։ Նման սննդակարգի դեպքում ուղեղը գլյուկոզայի օգտագործումից անցնում է կետոնային մարմինների, ինչն ազդում է միտոքոնդրիումների աշխատանքի, բորբոքման մակարդակի, օքսիդատիվ սթրեսի և ուղեղում նյարդամիջնորդանյութերի հաղորդման վրա։
Նոր աշխատանքի արդյունքները ցույց են տվել, որ կետո դիետայի հետևող մասնակիցների մոտ դեպրեսիայի ախտանիշները չափավոր նվազել են։ Սակայն տագնապային խանգարման դեպքում նման օրինաչափություն չի հայտնաբերվել։ Ենթախմբերի լրացուցիչ վերլուծությունը ևս չի բացահայտել գործոններ, որոնք կայուն կերպով կուժեղացնեին կետո դիետայի ազդեցությունը տագնապայնության ախտանիշների վրա։
Կետո դիետան կամ սննդակարգի նմանատիպ ռեժիմները նպաստել են նաև շիզոֆրենիա կամ երկբևեռ սպեկտրի խանգարումներ ունեցող մարդկանց մոտ փսիխոտիկ ախտանիշների նվազմանն ու տրամադրության կայունացմանը։
Հեղինակներն ընդգծում են, որ կետո սննդակարգը կարող է դիտարկվել որպես հոգեկան խանգարումների բուժման լրացուցիչ գործիք, հատկապես եթե հաջողվում է պահպանել կենսաքիմիական կետոզը։ Այնուամենայնիվ, նման դրական ազդեցության մեխանիզմները երկարաժամկետ կլինիկական հետազոտություններում հաստատման կարիք ունեն։
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար