Մասնավորապես, հոդվածի սկզբնական տարբերակում պնդվում էր, որ «ՀՀ վարչապետ Նիկոլ Փաշինյանն առաջարկել է ցույց տալ իր սեռական օրգանները Հայ Առաքելական եկեղեցու առաջնորդին՝ ապացուցելու համար, որ թլպատված է՝ նրա՝ իսկական քրիստոնյա չլինելու մասին հոգևորականության մեղադրանքների ֆոնին»։ Ըստ երևույթին, Euronews-ը չի հասկացել հայոց լեզվի կառուցվածքը և որոշել է, որ Փաշինյանը, «որպես ճշմարիտ քրիստոնյա», թլպատված է, և միաժամանակ հավելել է, որ «դա կրոնական ծես է, որը լայնորեն տարածված է հայ քրիստոնյաների շրջանում», չմոռանալով Փաշինյանի հայտարարությունը գնահատել որպես տարօրինակ։
Փաշինյանի վարչակազմի միջամտությունից հետո հոդվածը այլ կերպ է վերնագրվել. «Հայ եկեղեցու հետ կատաղի պայքարում վարչապետ Փաշինյանը առաջարկեց ապացուցել, որ ինքը թլպատված չէ»։ Այնտեղ ասվում է.
«Փաշինյանը պատասխանել է Հայ Առաքելական Եկեղեցու ղեկավարի ներկայացուցչի մարտահրավերին՝ հայտարարելով, որ պատրաստ է ապացուցել, որ ինքը թլպատված չէ։
ՀՀ վարչապետ Նիկոլ Փաշինյանը ակնարկել է, որ պատրաստ է սեռական օրգանների հետազոտության ենթարկվել՝ հաստատելու համար, որ ինքը թլպատված չէ՝ Ամենայն հայոց կաթողիկոս Գարեգին Բ-ի հետ շարունակվող հակամարտության ֆոնին։
Փաշինյանն այս հայտարարությունն արել է ի պատասխան Գարեգին Բ-ի մամուլի քարտուղար Հայր Զարեհ Աշուրյանի խոսքերի, որն ակնարկել էր, որ կառավարության ղեկավարը թլպատված է և, հետևաբար, քրիստոնյա չէ։
«Ես կարծում եմ, որ մեր Առաքելական Սուրբ Եկեղեցին պետք է անհապաղ մաքրվի կեղծ «հավատացյալներից», ովքեր ազգի դավաճաններ են, պղծել են մեր նախնիների հիշատակը, ոտնահարել են մկրտությունը և Սուրբ Խաչի կնիքը փոխարինել թլպատման նշանով», -հայտարարել է Հայր Աշուրյանը։
Փաշինյանը պատասխանել է Ֆեյսբուքում՝ գրելով, որ պատրաստ է ընդունել մարտահրավերը և ապացուցել, որ թլպատված չէ, մի պրակտիկա, որը Հայաստանի քրիստոնեական ավանդույթներում չի կիրառվում։
«Թող վերջապես պատասխանի հարցին՝ խախտե՞լ է կուսակրոնության ուխտը, թե՞ ոչ։ Երեխա ունի, թե՞ ոչ», - հավելել է Փաշինյանը հրապարակման մեջ՝ կրկնելով հունիսին հնչեցրած մեղադրանքը, ըստ որի Գարեգին Երկրորդը խախտել է կուսակրոնության ուխտը և հայր դարձել։
Այնուհետև եկեղեցին հայտարարություն է տարածել՝ Փաշինյանին մեղադրելով Հայաստանի «հոգևոր միասնությունը» խաթարելու մեջ, սակայն երեխայի ծննդյան վերաբերյալ պնդումը չի մեկնաբանել։
Սա առաջին դեպքը չէ, երբ Փաշինյանը և եկեղեցին այս շաբաթ ընդհարվել են։ Չորեքշաբթի իշխանությունները ձերբակալեցին եկեղեցական ականավոր գործիչ, արքեպիսկոպոս Բագրատ Գալստանյանին և ևս 13 հոգու՝ մեղադրելով նրանց պետական հեղաշրջման փորձի մեջ։
Հայաստանի քննչական կոմիտեն հայտարարել է, որ խումբը «ձեռք է բերել ահաբեկչական գործողություն կատարելու և իշխանությունը զավթելու համար անհրաժեշտ միջոցներն ու գործիքները»։
Գալստանյանի փաստաբանը մեղադրանքները «հերյուրանք» է անվանել:
Ընդհանուր առմամբ, ենթադրյալ դավադրության գործով ձերբակալվել է 14 մարդ, սակայն լրատվամիջոցներում միայն Գալստանյանի անունն է հիշատակվել։ Քննչական կոմիտեն հայտնել է, որ ավելի քան 90 խուզարկությունների ընթացքում հրազեն և զինամթերք է առգրավվել:
Telegram-ում Փաշինյանը գրել է, որ իշխանությունները կանխել են «քրեաօլիգարխիկկղերականության» կողմից Հայաստանում իշխանությունը զավթելու լայնածավալ և չարագործ ծրագիրը»։
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ