«Նման էժանագին քայլերն ինձ չեն վախեցնում»․ ադրբեջանցիները հարձակվել են Էրիկի յութուբյան ալիքի վրա

Երգիչ Էրիկ Կարապետյանն Instagram-ում հայտնել է, որ ադրբեջանցիները հարձակվել են իր յութուբյալ ալիքի վրա՝ ջնջելով 6 երգ։ Այս հարձակումը տեղի է ունեցել այն բանից հետո, երբ Անդրեյ Մսլսխովի շոուի ժամանակ ադրբեջանցի երգիչները կատարել էին Էրիկի «Ոչ ավել, ոչ պակաս» երգը՝ ներկայացնելով այն որպես ադրբեջանական։ Երգիչների կտորը շուտով հանվել է հաղորդումից, եւ ադրբեջանցիները շարունակում են գրոհել Էրիկի ալիքի վրա։ 

«Օրը կրկին սկսվեց շատ «հետաքրքիր»: Մեր օրինախախտ հարևանները կրկին չեն հանդարտվում ու այս անգամ էլ կեսգիշերից հարձակվել են իմ Youtube-յան ալիքի վրա՝ կեղծ հղումներ անելով. ջնջել 6 երգ ՝ նշելով որ դրանք էլ են ադրբեջանական: Եվ, իհարկե, իրենց սովոր ձևով ՝ շանտաժի միջոցով փորձում են վերականգնել իրենց կատարումներից մեկը, որը մենք արդեն հեռացրել ենք Youtube-ից և երբեք չենք վերականգնելու»,-գրել է երգիչը։

«Իմ Երգերը մոտ օրերս կվերականգնվեն անկասկած, իսկ նման էժանագին քայլերն ինձ չեն վախեցնում և ընդհանրապես չեն կանգնեցնելու՝ անգամ եթե ջնջեն բոլոր հաշիվներս։

Ցավոք չեմ կարող չնշել․ այս օրերին մինչ ես պայքարում եմ ադրբեջանցիների դեմ իմ իրավունքները վերականգնելու համար՝ իմ հայրենակիցներից ոմանք նյութեր են տեղադրում «Սկանդալ, Վիճաբանություն, Գումարներ,Բամբասանք» և այլ սխալ ու անհիմն վերնագրերով՝ արատավորելով իմ անունն ու համբավը!
Կոչ եմ անում դադարեցնել այդ ամենն ու չխանգարել ինձ՝ կարևոր պայքարում»,-հավելել է Էրիկը։