Երանելի հանդարտության ժամանակներն ավարտվել են, Եվրոպան ապրում է նախապատերազմյան շրջանում. Լեհաստանի վարչապետ
Եվրոպան ապրում է նախապատերազմյան ժամանակաշրջանում: Չարին հանձնվելու պատճառ չկա, քանի որ նրա ներուժն ավելի ուժեղ է, քան հարձակվողներինը: Այդ մասին հայտարարել է Լեհաստանի վարչապետ Դոնալդ Տուսկը՝ ելույթ ունենալով Բուխարեստում Եվրոպական ժողովրդական կուսակցության դաշինքի տարեկան համագումարի ժամանակ, գրում է The Guardian-ը։
«Երանելի հանդարտության ժամանակներն ավարտվել են: Հետպատերազմյան ժամանակաշրջանն անցել է: Մենք ապրում ենք նոր ժամանակներում, նախապատերազմյան դարաշրջանում: Իրականում մեր մի քանի եղբայրների համար այն արդեն նախապատերազմյան ժամանակ չէ: Այն լայնամասշտաբ պատերազմ է՝ իր ամենադաժան դրսևորմամբ», - հայտարարել է Տուսկը:
Նա նաև հավելել է, որ աշխարհն է մեղավոր, որ «ռմբակոծությունները», «հրթիռային հարձակումները», «ցեղասպանությունը» և ավելին կրկին ավելացվել են ամենօրյա բառապաշարին։
Նրա խոսքով՝ Եվրոպան ցանկանում էր զարգանալ հետպատերազմյան աշխարհում, բայց այսօր ժամանակն է հստակ գիտակցելու, որ աշխարհը կանգնած է պարզ ընտրության առջև՝ ստանձնել պայքարը, պաշտպանել սահմաններն ու տարածքները կամ վայր ընկնել:
«Չարին հանձնվելու օբյեկտիվ պատճառներ չկան։ Եվրոպայի ներուժը՝ տնտեսական, ֆինանսական, ժողովրդագրական, բարոյական, ավելի մեծ է, քան մեզ վրա հարձակողների ներուժը։ Այսօր շատ կարևոր է, որ Եվրոպան հավատա իր ուժերին։ Բացի այդ, երբ խոսքը վերաբերում է մեր պաշտպանունակությանը, մենք չենք կարող պատրանքների մեջ ապրել։ Ոչ ոք մեզ չի փոխարինի մեր անվտանգության և ապագայի համար այս պայքարում։ Մենք ինքներս ենք մեր անվտանգության և մեր միասնության լավագույն երաշխավորները»,- հավելել է վարչապետը։
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար