Գործատուն իրավունք չունի աշխատանքից ազատել աշխատողին թեստի կամ պատվաստման պատճառով
Գործատուն իրավունք չունի աշխատանքից ազատել աշխատողին թեստի կամ պատվաստման պատճառով: Այս մասին սեպտեմբերի 16-ին կայացած քննարկման ժամանակ ասաց հանրային սննդի ոլորտի փորձագետ Աշոտ Բարսեղյանը:
Նա հիշեցրեց, որ անցյալ տարի միլիարդավոր դրամներ են ծախսվել կորոնավիրուսով վարակվածների հետ շփվողների մեկուսացման վրա, իսկ այժմ թեստի համար մարդիկ պետք է ամսական 30 հազար դրամ վճարեն:
«Առողջապահության նախարարությունը կես միլիոն դոլար է ստացել սեփական թեստ մշակելու համար: Մենք տեսել այդ թեստն այդպես էլ չտեսանք: Նախարարությունն արդեն մի քանի տարի անհիմն որոշումներ է կայացնում: Անթույլատրելի է մարդկանց ստիպել ստացած 60-70 հազարից թեստի վրա 30 հազար դրամ ծախսել: Անհրաժեշտ է դադարեցնել այս իրավական եւ բժշկական ֆաշիզմը։ Առողջապահության նախարարությունը պետք է ընդունի, որ իրավական տեսանկյունից խոցելի է օրենք է ներկայացնում»,- հավելեց փորձագետը:
ՀՀ ԱՆ Հիվանդությունների վերահսկման եւ կանխարգելման կենտրոնի փոխտնօրեն Նունե Բակունցը նշեց, որ կորոնավիրուսի «դելտա» շտամով վարակվածների մոտ հիվանդությունն ավելի ծանր ընթացք է ունենում, մահերը շատ են, հիվանդությունը երիտասարդացել է:
«Եթե կորոնավիրուսի դեպքում ռիսկի խմբում 65-ից բարձր մարդիկ էին, ապա «դելտա» շտամի դեպքում հիմնական պացիենտները 25-ից բարձր մարդիկ են, հիմնականում՝ աշխատողներ: Նախարարության հրամանը հիմնված է Հայաստանի Սահմանադրության վրա, որում ասվում է բնակչության առողջությունը պաշտպանելու անհրաժեշտության մասին»,- պարզաբանեց նա:
Իրավաբան Նինա Հակոբյանը նոր դրույթը խտրական որակեց՝ քաղաքացիները ենթարկվում են անուղղակի պարտադրանքի, մինչդեռ պատվաստումը չի կարող պարտադիր լինել:
Նույնպիսի կարծիք հայտնեց «Իրավունքի զարգացման կենտրոն» ՀԿ-ի ղեկավար Վիոլետա Զոպունյանը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...