Միգուցե մարդիկ այդքան էլ լավ չտարբերակեցին նիկոլապաշտությունն ու երրորդ ուղին. Հայրապետյանի արձագանքը` Ա. Սամսոնյանին

Դուք մի խնդիր ունեիք լուծելու` անձեռնմխելիության մանդատ ունենալ ու չդատվել: Այս մասին իր ֆեյսբուքյան էջում գրել է ԱԺ «Լուսավոր Հայաստան» խմբակցության պատգամավոր Անի Սամսոնյանը անդրադառնալով ՀՀ երկրորդ նախագահ Ռոբերտ Քոչարյանի ելույթին:

«Այսօր «Հայաստան» դաշինքի հետընտրական ժողովում Ռոբերտ Քոչարյանն ասում է. «Մենք վերականգնելու ենք հավատը խորհրդարանական ընդդիմության նկատմամբ, որովհետև վերջին տարիներին խորհրդարանական ընդդիմությունը բազմաթիվ գործարքների է գնացել իշխանության հետ և կորցրել վստահությունը»:

Ի գիտության համար պարզապես նշեմ, որ եթե իշխանության հետ գործարքի գնացած ընդդիմություն լինեինք, հիմա ձեր դաշինքի պես Աժ անցած երևի կլինեինք:

Հադրութ ու Շուշի գոռալով պատգամավորի մանդատ վաստակողներ, հիմա ո՞վ է գործարքի գնացել: Այնքան սուտ խոստումներ եք տվել ընտրություններից առաջ, որ ձեզ ձեռնտու էլ չէր իշխանություն ունենալ: Մարդկանց հավատացնում էիք, որ հեսա Փաշինյանն ու Ալիևը կողք կողքի ծնկելու են ձեր առաջ: Ծնկեցին` բա չէ:

Դուք մի խնդիր ունեիք լուծելու` անձեռնմխելիության մանդատ ունենալ ու չդատվել:

Շնորհակալություն Նիկոլ Փաշինյանին` նվիրեց ձեզ այդ մանդատը»,- գրել է նա:

Այս գրառմանն արձագանքել է «Հայաստան» դաշինքում ընդգրկված իրավաբան Ռոբերտ Հայրապետյանը, ով նշել է. «Ի գիտություն Անի Սամսոնյանի ասեմ, որ Հայաստան դաշինքը խորհրդարանում է հայտնվել ժողովրդի տված քվեով, ավելին, ի գիտություն ասեմ, որ տիկին Սամսոնյանենց «նախկին գործընկեր» Նիկոլ Փաշինյանի կողմից ընտրությունների ընթացքի վրա ապօրինաբար չազդելու դեպքում Հայաստան դաշինքը նաև իշխանությունն էր վերցնելու:

Եվ այո, ՍԴ դեմ սկսված խայտառակ արշավին ընդդիմության գործիքակազմը չարամտորեն չօգտագործելը, այդ հարցում 3-րդ ճանապարհ փնտրելն ու ըստ էության պետական կարևոր ինստիտուտի կազմաքանդմանը անգործությամբ մասնակցելը խորհրդարանական ընդդիմության հանդեպ վստահության կորուստ էր:

Հա, ի դեպ, 2.5 տարում «Լուսավորը» մսխեց ընդդիմության ներուժն ու այս ընտրություններում ստացավ համարժեք արդյունք, այ դա իրոք պետք է, որ տիկին Սամսոնյանին մտահոգի, միգուցե՞ մարդիկ այդքան էլ լավ չտարբերակեցին նիկոլապաշտությունն ու երրորդ ուղին և այս անգամ որոշեցին առհասարակ տարբերակում չդնել:

Մտածելու բան է»:

ԼՀԿ-ական պատգամավորին արձագանքելն է նաեւ «Հայաստան» դաշինքում ընդգրկված Նարեկ Մանթաշյանը՝ նշելով. «Ազգային ժողովում մի «ընդիմադիր» ուժ կար, դե են էլի են, որ միշտ 3-րդ ճանապարհ էր փնտրում, սուրճ խմում ազգակործան իշխանության հետ, հետո պայմանավորվում, հետո էլի «սուր» քննադատում:

Հետո կանադական օրինակով դոփում էր էսկալատորների վրա, դե իսկ հետո ողովուրդը իր քվեով իրանց ճանապարհեց տներով, ու նրանք անմիջապես սեղմեցին դավաճանի ձեռքը:

Մի խոսքով այդ ուժից մի աղջնակ հոգեխանգարմունքի մեջ է ընկել, երբ նախագահ Քոչարյանը տվեց գնահատական նախկին ընդիմադիրներին և այս աղջիկը մի բոցաշունչ տեքստ է գրել...

Հիմա ասածս ինչա՞.

Անիին վալերիանկա հասցրեք»: