Մատենադարանի տնօրենի մրցույթը հետաձգվում է ինստիտուտի կարգավիճակի փոփոխության պատճառով․ պաշտոնակատար
«Մատենադարան» ԳՀԻ տնօրենի պաշտոնի համար մրցույթը դեռ չի հայտարարվել այն պատճառով, որ կառավարությունը փոխում է Ինստիտուտի իրավա–կազմակերպական կարգավիճակը, ու իմ դոկտորական ատենախոսության պաշտպանության հետ այդ հարցը ոչ մի կապ չունի»։ Այս մասին NEWS.am –ի թղթակցի հետ զրույցում հայտնել է Մատենադարանի տնօրենի պաշտոնակատար Վահան Տեր-Ղեւոնդյանը՝ մեկնաբանելով այն լուրերը, որ մրցույթի անցկացումը հետաձգվում է նրա ատենախոսության պաշտպանության պատճառով։
Վահան Տեր–Ղեւոնդյանի խոսքով, իր դոկտորականի թեման հաստատվել էր դեռ 2011-ի դեկտեմբերին, իսկ Մատենադարան աշխատանքի ինքը ընդունվել է 2012-ի հունիսին։ «Ես 6 տարի աշխատում եմ այս ատենախոսության վրա, պարզապես դրա եզրափակիչ փուլը համընկնել է այս իրադարձությունների հետ»,-նշել է նա։
Տնօրենի պաշտոնակատարը պարզաբանել է, որ կառավարությունը նախաձեռնել է Մատենադարանի իրավա–կազմակերպական կարգավիճակի փոփոխությունների գործընթացը ու այն ՊՈԱԿ–ից հիմնադրամի է վերածվելու։
«Մատենադարանը բացառիկ մի կառույց է, եւ բացառիկ ուշադրության կարիք ունի։ Նաեւ այդ կառույցը պետք է ունենա որոշակի ինքնուրույնություն, անկախություն, եւ հայաստանյան կամ արտասահմանյան որոշակի կառույցների հետ հարաբերվելու ճկունություն։ Այս առումով հիմնադրամն ունի մի շարք առավելություններ։ Նախ, իր ղեկավար մարմինը՝ հոգաբարձուների խորհուրդն, ի տարբերություն ՊՈԱԿ–ի կառավարման խորհրդի, ունի անհամեմատ ավելի փոքր կազմ, եւ դա հնարավորություն է տալիս ավելի մոբիլ լինելու։ Նաեւ հիմնադրամն ավելի հեշտ է աշխատում այլ հիմնադրամների հետ, նվիրատվություն ստանալու եւ այլ հարցերում», – ասաց նա։
Ինչ վերաբերում է նրան, արդյոք այդ ընթացքում չի խախտվում օրենքը, քանի որ մրցույթը պետք է կայանա 6–ամսյա ժամկետում, Վահան Տեր-Ղեւոնդյանը նշել է, որ իրավաբան չէ, ու չի կարող այդ առթիվ որեւէ բան ասել։ Նրա խոսքով՝ միանգամայն տրամաբանական է, որ կառավարությունը մտադիր է նախ ավարտին հասցնել Մատենադարանի կարգավիճակի փոփոխության գործընթացը ու հետո միայն տնօրենի թափուր պաշտոնի համար մրցույթ հայտարարել։
Իսկ մրցույթին իր մասնակցության մասին որոշումը Վահան Տեր–Ղեւոնդյանը կկայացնի այն ժամանակ, երբ հայտնի կդառնա այն անցկացնելու ժամկետը ու կճշգրտվեն պայմանները։ Ընդ որում նա կարծում է, որ այն պահանջը, որ այդ պաշտոնի թեկնածուն պետք է դոկտորական գիտական աստիճան ունենա, կպահպանվի։
Նշենք, որ Վահան Տեր–Ղեւոնդյանը Մատենադարանի տնօրենի ժամանակավոր պաշտոնակատար է նշանակվել սեպտեմբերի սկզբին, նախկին տնօրեն Հրաչյա Թամրազյանի մահից հետո։ Մինչ այդ նա ինստիտուտի գիտքարտուղարն էր։
Արխիվային փաստաթղթեր են հանձնվել Մատենադարանին
Պաշտոնանկություն՝ Ռուբեն Ռուբինյանի կարգադրությամբ
Այդ հայտարարությունները օգտակար չեն խաղաղության համատեքստում
Հաջորդ տարի SpaceX-ը տիեզերք կուղարկի Nvidia GB200 NVL72 արհեստական բանականությամբ համակարգիչներ
KIDS Act օրենսդրական նախաձեռնությունը սահմանում է նվազագույն տարիքային շեմ
Իջևանի անտառտնտեսության տարածքում հայտնաբերվել է ապօրինի փայտանյութով բեռնված մեքենա
Երգչուհի Սելին Դիոնը Փարիզում կայացած համերգի ժամանակ հուզվել է
Նեղուցն ամբողջությամբ կապաշրջափակվի միայն ԱՄՆ-ի հետ հակամարտության ավարտից հետո
ՀՀ ՆԳ նախարարի գլխավորած պատվիրակությունն աշխատանքային այցով Վրաստանում է
Ճապոնիայում 100 տարեկանից բարձր անձանց թիվը հասել է գրեթե 108 000-ի
Էկոպարեկային ծառայողները կանխել են Բերդ քաղաքի բնակչի կողմից ապօրինի ծառահատման հետագա իրականացումը